கொல்கத்தா: மேற்கு வங்கத்தில் நாரதா லஞ்ச ஊழல் வழக்கு தொடர்பாக, மாநில அமைச்சர்கள் சுப்ரதா முகர்ஜி, பிர்ஹாத் ஹக்கீம் உள்ளிட்ட 5 பேருக்கு சிபிஐ சிறப்பு நீதிமன்றம் புதன்கிழமை அழைப்பாணை அனுப்ப உத்தரவிட்டது.
நாரதா லஞ்ச ஊழல் புகார் தொடர்பாக, அமலாக்கத் துறை தனியாக வழக்குப் பதிவு செய்து விசாரித்து வருகிறது. அந்த அமைப்பு தனது விசாரணை அறிக்கையை சிறப்பு நீதிமன்றத்தில் தாக்கல் செய்தது.
அந்த அறிக்கையை ஆய்வு செய்த சிபிஐ சிறப்பு நீதிமன்றம், அமைச்சர்கள் உள்ளிட்ட 5 பேருக்கும் அழைப்பாணை அனுப்ப உத்தரவிட்டுள்ளது. 5 பேரும், வரும் நவம்பர் 16-ஆம் தேதி நேரில் ஆஜராக வேண்டும் என்று சிபிஐ நீதிமன்றம் உத்தரவிட்டுள்ளது.
அமைச்சர்கள் சுப்ரதா முகர்ஜி, பிர்ஹாத் ஹக்கீம், திரிணமூல் எம்எல்ஏ மதன் மித்ரா ஆகிய மூவருக்கும் சட்டப்பேரவைத் தலைவர் மூலமாகவும், திரிணமூல் மூத்த தலைவரும் முன்னாள் மேயருமான சோவன் சாட்டர்ஜி, பணியிடைநீக்கம் செய்யப்பட்ட ஐபிஎஸ் அதிகாரி எஸ்.எம்.ஹெச்.மிர்ஸா ஆகிய இருவருக்கும் நேரடியாகவும் அழைப்பாணை அனுப்ப சிறப்பு நீதிமன்றம் உத்தரவிட்டது.
மேற்கு வங்கத்தில் கடந்த 2016-ஆம் ஆண்டு நûடùபற்ற சட்டப்பேரவைத் தேர்தலின்போது "நாரதா நியூஸ்' என்ற செய்தித் தளம், சில விடியோக்களை வெளியிட்டது. அதில், திரிணமூல் காங்கிரஸ் கட்சியைச் சேர்ந்த அமைச்சர்கள், எம்.பி.க்கள், எம்எல்ஏக்களைப் போன்ற தோற்றமுடையவர்கள், ஒரு குறிப்பிட்ட நிறுவனத்துக்கு ஆதரவாகச் செயல்பட அதன் நிர்வாகிகளிடம் லஞ்சம் வாங்குவது போன்ற காட்சிகள் இடம்பெற்றிருந்தன. இதனால், திரிணமூல் காங்கிரஸ் கட்சியினர் லஞ்சம் வாங்கியதாக குற்றச்சாட்டு எழுந்தது. இதுதொடர்பான வழக்கை விசாரித்த கொல்கத்தா உயர்நீதிமன்றம், கடந்த 2017-இல் சிபிஐ விசாரணைக்கு உத்தரவிட்டது. அதனடிப்படையில் சிபிஐ அதிகாரிகள் விசாரணை நடத்தி வருகின்றனர்.
இந்த வழக்கு தொடர்பாக, சுப்ரதா முகர்ஜி, பிர்ஹாத் ஹக்கீம், மதன் மித்ரா, சோவன் சாட்டர்ஜி ஆகிய நால்வரும் கடந்த மே மாதம் கைது செய்யப்பட்டு, ஜாமீனில் விடுவிக்கப்பட்டனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது
வீடியோக்கள்
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
செய்தி மடல்
இ-பேப்பர்