குஜராத் முதல்வர் பூபேந்திர படேல் தலைமையிலான முதல் அமைச்சரவைக் கூட்டம் வியாழக்கிழமை மாலை 4 மணிக்கு நடைபெறவுள்ளதாக குஜராத் முதல்வர் அலுவலகம் அறிவித்துள்ளது.
குஜராத் முதல்வர் விஜய் ரூபானி கடந்த சனிக்கிழமை ராஜிநாமா செய்தார். இதைத் தொடர்ந்து, புதிய முதல்வராக பூபேந்திர படேல் தேர்வு செய்யப்பட்டார். மாநிலத்தின் 17-வது முதல்வராக அவர் கடந்த திங்கள்கிழமை பொறுப்பேற்றுக் கொண்டார். மாநில அமைச்சர்கள் தேர்வு செய்யப்பட்ட பிறகு அவர்கள் பின்னர் பதவியேற்றுக் கொள்வார்கள் என பாஜக வட்டாரங்கள் தெரிவித்தன.
இந்த நிலையில், புதிய அமைச்சர்கள் இன்று (வியாழக்கிழமை) பதவியேற்கின்றனர். ஆளுநர் மாளிகையில் பதவியேற்பு விழா நடைபெற்று வருகிறது.
இதனிடையே, பூபேந்திர படேல் தலைமையிலான புதிய அமைச்சரவைக் கூட்டம் மாலை 4.30 மணிக்கு காந்திநகரில் நடைபெறவுள்ளதாக அந்த மாநில முதல்வர் அலுவலகம் ட்விட்டர் பக்கத்தில் தெரிவித்துள்ளது.