காஷ்மீர்: 2 பயங்கரவாதிகள் சுட்டுக்கொலை

ஜம்மு-காஷ்மீரில் பாதுகாப்புப் படையினர் இன்று நடத்திய தாக்குதலில் பயங்கரவாதிகள் இருவர் சுட்டுக்கொல்லப்பட்டனர். 

ஜம்மு-காஷ்மீர் மாநிலம் புல்வாமா மாவட்டத்தைச் சேர்ந்த டிரால் பகுதியில் பாதுகாப்புப் படையினர் இன்று தேடுதல் வேட்டையில் ஈடுபட்டனர்.

அப்போது பாதுகாப்புப் படையினருக்கும் பயங்கரவாதிகளுக்கும் இடையே நடந்த துப்பாக்கிச் சூட்டில் இரண்டு பயங்கரவாதிகள் சுட்டுக்கொல்லப்பட்டனர்.

கொல்லப்பட்ட பயங்கரவாதிகள் லஷ்கர்-இ-தொய்பா மற்றும் அன்சார் கஸ்வதுல் ஹிந்த் அமைப்பைச் சேர்ந்தவர்கள் என்றும் இந்த ஆண்டு தொடக்கத்தில் ஸ்ரீநகரில் உள்ள கோன்மோ பகுதியில் சர்பானந்த சமீர் அகமது கொல்லப்பட்டது உள்பட பல பயங்கரவாத குற்றங்களில் தொடர்புடையவர்கள் என்றும்  ஜம்மு- காஷ்மீர் காவல்துறை தலைவர் விஜயகுமார் தெரிவித்துள்ளார்.