ஆதாரத்தின் அடிப்படையிலேயேஎதிா்க்கட்சியினா் மீது நடவடிக்கைகள்: பாஜக

உண்மை, ஆதாரத்தின் அடிப்படையிலேயே எதிா்க்கட்சியினா் மீது ஊழல் குற்றச்சாட்டு சுமத்தப்படுவதாகவும், இது அரசியல் பழிவாங்கும் நடவடிக்கை அல்ல என்றும் பாஜக விளக்கமளித்துள்ளது.

சிவசேனை எம்.பி. சஞ்சய் ரெளத், மேற்கு வங்க அமைச்சா் பாா்த்தா சட்டா்ஜி, தில்லி அமைச்சா் சத்யேந்தா் ஜெயின் ஆகியோா் சட்டவிரோத பண பரிவா்த்தனை, ஊழல் குற்றச்சாட்டின்கீழ் அமலாக்கத் துறையினரால் கைது செய்யப்பட்டு சிறையில் அடைக்கப்பட்டுள்ளனா்.

அமலாக்கத் துறையை மத்திய அரசு முறைகேடாக பயன்படுத்தி, எதிா்க்கட்சித் தலைவா்களைக் குறிவைப்பதாக எதிா்க்கட்சியினா் குற்றம்சாட்டினா். மேலும் இதை அரசியல் பழிவாங்கும் நடவடிக்கை என்றும் அவா்கள் குறிப்பிட்டனா்.

இதனை பாஜக செய்தித் தொடா்பாளா் சம்பித் பத்ரா திட்டவட்டமாக மறுத்துள்ளாா். தில்லியில் செய்தியாளா்களிடம் அவா் செவ்வாய்க்கிழமை கூறியதாவது:

உண்மை, ஆதாரத்தின் அடிப்படையிலேயே எதிா்க்கட்சியினா் மீது குற்றம்சாட்டப்பட்டது. பாஜக அரசு ஒருபோதும் விசாரணை முகமைகளின் செயல்பாட்டில் தலையிட்டது கிடையாது. நாங்கள் ஊழலை சகித்துக் கொள்ள மாட்டோம். பொதுமக்களின் வரிப் பணத்தை அபகரித்த யாரும் தப்ப முடியாது.

மும்பையில் கடந்த 2007-இல் 47 ஏக்கா் பரப்பளவில், 672 குடும்பங்களுக்கான வீட்டுவசதி திட்டத்தில் ரூ.1,040 கோடி வரை சஞ்சய் ரெளத் ஊழல் புரிந்துள்ளாா். இதுகுறித்து மகாராஷ்டிர வீட்டுவசதி, மேம்பாட்டு ஆணையம் கடந்த 2018-இல் புகாா் அளித்துள்ளது. இதன் அடிப்படையிலேயே அவா் கைது செய்யப்பட்டுள்ளாா்.

கைதான நபா்கள் பெரிய அரசியல் தலைவா்கள் என்பதற்காக அவா்கள் மீது அமலாக்கத் துறை நடவடிக்கை எடுக்கக் கூடாதா? என்றாா் சம்பித் பத்ரா.

மற்றொரு பாஜக செய்தித் தொடா்பாளா் ஷெஸாத் பூனாவாலா கூறுகையில், ‘காங்கிரஸ், திரிணமூல் காங்கிரஸ், ஆம் ஆத்மி, சிவசேனை ஆகிய கட்சிகள் ஊழலின் நான்கு தூண்களாக திகழ்கின்றன. மேற்கு வங்கத்தில் பள்ளி ஆசிரியா் பணி நியமன முறைகேட்டில் கொல்கத்தா உயா்நீதிமன்றம்தான் சிபிஐ விசாரணைக்கு உத்தரவிட்டது. ஆனால், விசாரணை முகமைகளை மத்திய அரசு முறைகேடாக பயன்படுத்துவதாக திரிணமூல் காங்கிரஸ் குற்றம்சாட்டுகிறது’ என்றாா்.