காங்கிரஸ் தலைவர் சோனியா காந்தியின் தாயார், பாவ்லா மைனோ உடல்நலக் குறைவால் காலமானார். அவருக்கு வயது 90.
ஆகஸ்ட் 27ஆம் தேதி இத்தாலியில் உள்ள இல்லத்தில் காலமான அவரின் இறுதிச் சடங்குகள் நேற்று நடைபெற்றது.
இது தொடர்பாக காங்கிரஸ் பொதுச்செயலாளர் ஜெய்ராம் ரமேஷ் சுட்டுரையில் இன்று பதிவிட்டுள்ளதாவது, சோனியா காந்தியின் தாயார் பாவ்லா மைனோ உடல் நலக் குறைவால் இத்தாலில் உள்ள அவரின் இல்லத்தில் காலமானார். அவரின் இறுதிச் சடங்குகள் நேற்று நடைபெற்றன எனக் குறிப்பிட்டுள்ளார்.
காங்கிரஸ் தலைவர் சோனியா காந்தி ஆகஸ்ட் 23ஆம் தேதி இத்தாலி சென்றது குறிப்பிடத்தக்கது. சோனியா காந்தி தாயாரின் மறைவுக்கு காங்கிரஸ் கட்சி இரங்கல் தெரிவித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.