குஜராத்தில் 7-ஆவது முறையாக பாஜக வெற்றி:தோ்தலுக்குப் பிந்தைய வாக்குக் கணிப்பில் முடிவு

குஜராத்தில் தனிப் பெரும்பான்மையுடன் 7-ஆவது முறையும், ஹிமாசல பிரதேசத்தில் குறைந்த தொகுதிகள் வித்தியாசத்திலும் பாஜக வெற்றி பெறும் என்று தோ்தலுக்குப் பிந்தைய வாக்குக் கணிப்பு முடிவுகள் தெரிவித்துள்ளன.

Updated On :5 டிசம்பர் 2022, 8:33 pm

குஜராத்தில் தனிப் பெரும்பான்மையுடன் 7-ஆவது முறையும், ஹிமாசல பிரதேசத்தில் குறைந்த தொகுதிகள் வித்தியாசத்திலும் பாஜக வெற்றி பெறும் என்று தோ்தலுக்குப் பிந்தைய வாக்குக் கணிப்பு முடிவுகள் தெரிவித்துள்ளன.

குஜராத்தில் 182 தொகுதிகளுக்கான சட்டப்பேரவைத் தோ்தல் டிச.1 மற்றும் டிச.5-ஆம் தேதிகளில் இரண்டு கட்டங்களாக நடைபெற்றது. கடந்த நவ.12-ஆம் தேதி ஹிமாசல பிரதேசத்தில் 68 தொகுதிகளுக்கான சட்டப்பேரவைத் தோ்தல் நடைபெற்றது. இரு மாநிலங்களிலும் டிச.8-ஆம் தேதி வாக்கு எண்ணிக்கை நடைபெற உள்ளது.

இந்நிலையில், இரு மாநில தோ்தல் தொடா்பாக வடநாட்டு செய்தித் தொலைக்காட்சிகள் மேற்கொண்ட தோ்தலுக்குப் பிந்தைய வாக்குக் கணிப்பு முடிவுகள் திங்கள்கிழமை வெளியாகின. இதில் குஜராத்தில் தனிப் பெரும்பான்மையுடன் 7-ஆவது முறையாக பாஜக ஆட்சியமைக்கும் என்று பெரும்பாலான வாக்குக் கணிப்பு முடிவுகள் தெரிவித்துள்ளன.

அதேவேளையில், ஹிமாசல பிரதேசத்தில் குறைந்த தொகுதிகள் வித்தியாசத்தில் பாஜக வெற்றி பெறும் என்று அந்த முடிவுகளில் தெரிவிக்கப்பட்டுள்ளது.

=====================

குஜராத் பேரவைத் தோ்தல்

மொத்த தொகுதிகள்-182

பெரும்பான்மைக்குத் தேவையான தொகுதிகள்-92

செய்தித் தொலைக்காட்சிகள் கணிப்பில்

கட்சிகள் வெல்லக் கூடிய தொகுதிகள்

மாநிலங்கள் கட்சிகள் டிவி9 குஜராத்தி நியூஸ் எக்ஸ் ரிபப்ளிக்

குஜராத் பாஜக 125-130 117-140 128-148

காங்கிரஸ் கூட்டணி 40-50 34-51 30-42

ஆம் ஆத்மி 3-5 6-13 2-10

மற்றவை 3-7 1-2 0-3