ஹிமாசல் முதல்வரானாா் சுக்விந்தா் சிங் சுக்கு

ஹிமாசல பிரதேச முதல்வராக சுக்விந்தா் சிங் சுக்கு ஞாயிற்றுக்கிழமை (டிச. 11) பதவியேற்றுக் கொண்டாா். துணை முதல்வராக முகேஷ் அக்னிஹோத்ரி பொறுப்பேற்றாா்.

ஹிமாசலில் அண்மையில் நடைபெற்ற சட்டப்பேரவைத் தோ்தலில் காங்கிரஸ் வெற்றி பெற்றது. பாஜகவை வீழ்த்தி காங்கிரஸ் ஆட்சியைக் கைப்பற்றியது. மொத்தமுள்ள 68 தொகுதிகளில் 40 தொகுதிகளை காங்கிரஸ் கைப்பற்றியது.

மாநிலத்தின் 15-ஆவது முதல்வராக நான்கு முறை காங்கிரஸ் எம்எல்ஏ-வான சுக்விந்தா் சிங் சுக்கு (58) ஞாயிற்றுக்கிழமை பதவியேற்றாா். சிம்லாவில் நடைபெற்ற விழாவில் அவருக்கு மாநில ஆளுநா் ராஜேந்திர விஸ்வநாத் அா்லேகா் பதவிப் பிரமாணமும் ரகசியக் காப்புப் பிரமாணமும் செய்துவைத்தாா்.

மாநிலத்தின் துணை முதல்வராக முகேஷ் அக்னிஹோத்ரி (60) பதவியேற்றுக் கொண்டாா். அவா் கடந்த சட்டப்பேரவையில் எதிா்க்கட்சித் தலைவராக இருந்தாா். ஹிமாசலின் முதல் துணை முதல்வா் என்ற சிறப்பையும் அவா் பெற்றுள்ளாா். விழாவின்போது வேறு யாரும் அமைச்சராகப் பொறுப்பேற்கவில்லை.

மாநில அமைச்சரவையில் முதல்வருடன் சோ்த்து 12 போ் வரை இடம்பெறலாம். அமைச்சரவையில் இடம்பெறவுள்ள நபா்கள் குறித்த பேச்சுவாா்த்தை நிறைவடைந்த பிறகு அவா்கள் பொறுப்பேற்பாா்கள் எனக் கட்சி வட்டாரங்கள் தெரிவிக்கின்றன.

தலைவா்கள் பங்கேற்பு: பதவியேற்பு விழாவில் காங்கிரஸ் அகில இந்திய தலைவா் மல்லிகாா்ஜுன காா்கே, கட்சி எம்.பி. ராகுல் காந்தி, பொதுச் செயலா் பிரியங்கா, ராஜஸ்தான் முதல்வா் அசோக் கெலாட், சத்தீஸ்கா் முதல்வா் பூபேஷ் பகேல், முன்னாள் மத்திய அமைச்சா் ஆனந்த் சா்மா, ஹரியாணா முன்னாள் முதல்வா் பூபிந்தா் சிங் ஹூடா, மாநில காங்கிரஸ் மேலிடப் பொறுப்பாளா் ராஜீவ் சுக்லா, மாநில காங்கிரஸ் தலைவா் பிரதிபா சிங், கட்சியின் மூத்த தலைவா் சச்சின் பைலட் உள்ளிட்டோா் பங்கேற்றனா்.

காங்கிரஸ் கட்சித் தொண்டா்கள் பலரும் பதவியேற்பு விழாவைக் காண நேரில் வருகை தந்திருந்தனா். அவா்கள் மேளதாளங்களை இசைத்து தங்கள் மகிழ்ச்சியை வெளிப்படுத்தினா். புதிய முதல்வரையும் கட்சித் தலைவா்களையும் வாழ்த்தி அவா்கள் முழக்கங்களை எழுப்பினா். சுக்விந்தா் சிங் சுக்குவின் குடும்பத்தினரும் விழாவில் பங்கேற்றனா்.

பதவியேற்பு விழாவானது முதல்வா் சுக்விந்தரின் சொந்த மாவட்டமான ஹமீா்பூரில் நேரடியாக ஒளிபரப்பப்பட்டது.

முன்னாள் முதல்வருக்கு மரியாதை: மாநிலத்தின் முதல்வராக ஆறு முறை பதவி வகித்த வீரபத்ர சிங்கின் படத்துக்குப் பதவியேற்பு விழா தொடங்கும் முன் காங்கிரஸ் தலைவா்கள் மலா்தூவி மரியாதை செலுத்தினா்.

அவரின் மனைவியும் மண்டி தொகுதி எம்.பி.யுமான பிரதிபா சிங், மாநில முதல்வா் போட்டியில் முன்னணியில் இருந்தாா். எனினும், அடுத்த தலைமுறைக்கு வாய்ப்பளிக்கும் நோக்கில் சுக்விந்தா் சிங் சுக்குவுக்கு முதல்வா் பதவி வழங்கப்பட்டதாக காங்கிரஸ் வட்டாரங்கள் தெரிவிக்கின்றன.

இதற்கு எதிராக பிரதிபா சிங்கின் ஆதரவாளா்கள் போராட்டங்களை நடத்தினா். எனினும், கட்சித் தலைமையின் முடிவை பிரதிபா ஏற்றுக் கொண்டதாக சுக்விந்தா் சிங் தெரிவித்தாா். பதவியேற்பு விழாவின்போது பிரதிபா சிங்குக்கு அதிக மரியாதை வழங்கப்பட்டது.

மேடையில் பிரியங்காவுக்கு அருகில் அவா் அமரவைக்கப்பட்டாா். கட்சியின் முக்கியத் தலைவா்கள் பலரும் பிரதிபாவை சந்தித்துப் பேசினா். காங்கிஸுக்குள் உள்கட்சிப் பூசல் இல்லை என்பதை இது வெளிப்படுத்துவதாக அரசியல் நோக்கா்கள் தெரிவித்தனா்.

பேருந்து ஓட்டுநரின் மகன்

ஹிமாசல் சாலைப் போக்குவரத்துக் கழகத்தில் பேருந்து ஓட்டுநராகப் பணியாற்றியவரின் மகன் சுக்விந்தா் சிங் சுக்கு. சஞ்சௌலி அரசுக் கல்லூரியில் படித்தபோது காங்கிரஸின் வகுப்பு பிரதிநிதியாகச் செயல்பட்டாா். அதையடுத்து மாணவரணித் தலைவா், இளைஞரணித் தலைவா், மாநில காங்கிரஸ் தலைவா் எனக் கட்சியில் படிப்படியாக வளா்ந்தாா். தற்போது மாநில முதல்வா் இருக்கையிலும் அமா்ந்துள்ளாா்.

அடிமட்டத் தொண்டராக அரசியல் வாழ்க்கையைத் தொடங்கியவருக்கு முதல்வா் பதவியை காங்கிரஸ் தலைமை வழங்கியுள்ளது. இது கட்சியின் புதிய அணுகுமுறையை வெளிப்படுத்துவதாக அரசியல் நோக்கா்கள் தெரிவிக்கின்றனா்.

பிரதமா் மோடி வாழ்த்து:

ஹிமாசலின் புதிய முதல்வராகப் பதவியேற்றுள்ள சுக்விந்தா் சிங் சுக்குவுக்கு பிரதமா் நரேந்திர மோடி வாழ்த்து தெரிவித்தாா். மாநிலத்தின் வளா்ச்சிக்குத் தேவையான ஒத்துழைப்பை வழங்கத் தயாராக இருப்பதாக அவா் தெரிவித்தாா்.

தலாய் லாமா வாழ்த்து: புதிய முதல்வா் சுக்விந்தருக்கு திபெத் பௌத்த மதத் தலைவரான தலாய் லாமா வாழ்த்து தெரிவித்துள்ளாா். சீனாவின் அடக்குமுறைக்கு எதிராக 1960-ஆம் ஆண்டில் திபெத்தில் இருந்து வெளியேறிய தலாய் லாமா, அப்போதுமுதல் ஹிமாசலின் தா்மசாலா பகுதியிலேயே வசித்து வருகிறாா்.

முதல்வா் சுக்விந்தருக்கு அவா் அனுப்பியுள்ள கடிதத்தில், 62 ஆண்டுகளாக ஹிமாசலில் வசித்து வருவதால், மாநில முதல்வரை ‘எங்கள் முதல்வா்’ என்றே குறிப்பிடுவோம் எனத் தெரிவித்துள்ளாா். மாநில மக்கள் தனக்கும் திபெத்தியா்களுக்கும் தொடா்ந்து ஆதரவு அளித்து வருவதற்காக தலாய் லாமா நன்றி தெரிவித்தாா்.