கிராஃபிக்ஸ் நாவலில் தோனி!

தோனி தோன்றவுள்ள ‘அதர்வா தி ஆரிஜின்’ கிராஃபிக்ஸ் நாவலின் மோஷன் போஸ்டர் வெளியாகியுள்ளது.

சர்வதேச கிரிக்கெட் போட்டிகளிலிருந்து ஓய்வு பெற்ற தோனி சென்னை சூப்பர் கிங்ஸ் அணியில் விளையாட இருப்பதாகவும் தன் கடைசிப் போட்டி சென்னையில் நடக்க விரும்புவதாகவும் தெரிவித்திருந்தார்.

இந்நிலையில், தன் புதிய அவதாரமாக ‘அதர்வா தி ஆரிஜின்'(Atharvar the origin) என்கிற கிராஃபிக்ஸ் நாவலில் ’அதர்வா’ கதாப்பாத்திரத்தில் தோனி தோன்றவுள்ளார்.

150-க்கும் மேற்பட்ட ஓவியங்கள் வரையப்பட்டு சூப்பர்ஹீரோ பாணியில் உருவாகியுள்ள நாவலை ரமேஷ் தமிழ்மணி எழுதியுள்ளார். விர்சு ஸ்டூடியோஸ் மற்றும் மிடாஸ் டீல்ஸ் நிறுவனங்கள் இணைந்து இந்த கிராஃபிக்ஸ் நாவலை தயாரித்துள்ளனர்.

தற்போது இந்நாவலின் மோஷன் போஸ்டர் வெளியாகி ரசிகர்கள் மத்தியில் கொண்டாடப்பட்டு வருகிறது.