பிலாஸ்பூர் (ஹிமாச்சல பிரதேசம்): பஞ்சாப் காங்கிரஸ் முதல்வர் வேட்பாளர் சரண்ஜித் சிங் சன்னி திங்கள்கிழமை ஹிமாச்சலப் பிரதேசத்தில் உள்ள ஸ்ரீ நைனா தேவி கோயிலுக்குச் சென்று வழிபாடு செய்தார்.
நைனா தேவியின் வழிபாட்டிற்கு பின்னர் சரண்ஜித் சிங் சன்னி கூறியதாவது:
அன்னையின் ஆசியுடன் முதல்வர் வேட்பாளராக அறிவிக்கப்பட்டேன், முதல்வர் வேட்பாளராக அறிவிக்கப்பட்ட ஒரு நாள் பின்னர் அன்னை தரிசனத்திற்காக இங்கு வந்தேன், நைனா தேவியின் ஆசிர்வாதம் பெற்று வரும் தேர்தலில் காங்கிரஸ் வெற்றி பெற பிரார்த்தனை செய்தேன் என்று சனி கூறினார்.
மேலும் பஞ்சாபில் மீண்டும் காங்கிரஸ் ஆட்சி அமைந்த பிறகு, ஸ்ரீ ஆனந்த்பூர் சாஹிப் மற்றும் ஸ்ரீ நைனா தேவி கோயில் இரண்டும் ரோப்வே மூலம் இணைக்கப்படும் என்று சன்னி கூறினார்.
பஞ்சாப் மாநிலத்தில் பிப்ரவரி 20-ஆம் தேதி வாக்குப் பதிவும், வாக்கு எண்ணிக்கை மார்ச் 10-ஆம் தேதியும் நடைபெறுகிறது.