தில்லியில் புதிதாக 7,498 பேருக்கு கரோனா நோய்த் தொற்று இருப்பது இன்று (புதன்கிழமை) உறுதி செய்யப்பட்டுள்ளது.
தில்லி கரோனா பாதிப்பு நிலவரம் பற்றிய தரவுகளை மாநில சுகாதாரத் துறை வெளியிட்டுள்ளது. கடந்த 24 மணி நேரத்தில் 70,804 பரிசோதனைகள் மேற்கொள்ளப்பட்டதில் 7,498 பேருக்கு நோய்த் தொற்று இருப்பது உறுதி செய்யப்பட்டுள்ளது. தொற்று பாதிப்பு இருப்பது உறுதி செய்யப்படும் விகிதம் 10.59 சதவிகிதமாகப் பதிவாகியுள்ளது.
இதையும் படிக்க | கேரளத்தில் புதிதாக 49,771 பேருக்கு கரோனா தொற்று
மேலும் 11,164 பேர் நோய்த் தொற்றிலிருந்து குணமடைந்து வீடு திரும்பியுள்ளனர். 29 பேர் பலியாகியுள்ளனர்.
இதைத் தொடர்ந்து, மொத்தம் பாதித்தோர் எண்ணிக்கை 18,10,997 ஆக உயர்ந்துள்ளது. இதில் 17,46,972 பேர் நோய்த் தொற்றிலிருந்து குணமடைந்துள்ளனர். மொத்த பலி எண்ணிக்கை 25,710 ஆக உயர்ந்துள்ளது.
இன்றைய நிலவரப்படி 38,315 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.
தடுப்பூசி:
கடந்த 24 மணி நேரத்தில் 70,783 பேருக்கு தடுப்பூசி செலுத்தப்பட்டுள்ளது. இதுவரை மொத்தம் 2,93,44,908 தடுப்பூசிகள் செலுத்தப்பட்டுள்ளன.