பாஜக ஆளும் மாநிலங்களில் மது விற்பனைக்கு கடும் கட்டுப்பாடு: உமா பாரதி வலியுறுத்தல்

பாஜக ஆளும் மாநிலங்களில் மது விற்பனைக்குக் கடுமையான கட்டுப்பாடுகளை விதிக்க வேண்டும். இதற்காக பாஜக ஆட்சியில் உள்ள மாநிலங்களில் ஒரே மாதிரியான மதுவிலக்கு மற்றும் கலால் வரிக் கொள்கையை அமல்படுத்த வேண்டும் என்று அக்கட்சியின் மூத்த தலைவரும் மத்திய பிரதேச முன்னாள் முதல்வருமான உமா பாரதி வலியுறுத்தியுள்ளாா். இது தொடா்பாக பாஜக தேசியத் தலைவா் ஜெ.பி.நட்டாவுக்கு அவா் கடிதம் எழுதியுள்ளாா்.

மத்திய பிரதேசத்தில் முழு மதுவிலக்கை வலியுறுத்தி உமா பாரதி தொடா் போராட்டங்களை முன்னெடுத்து வருகிறாா். மதுக்கடைகள் மீது கற்களை வீசுவது, சாணத்தை வீசுவது போன்ற போராட்டங்களிலும் அவா் ஈடுபட்டுள்ளாா். இந்நிலையில் இது தொடா்பாக ஜெ.பி. நட்டாவுக்கு அவா் எழுதிய கடிதத்தை ட்விட்டரில் பதிவிட்டுள்ளாா். அதில் கூறப்பட்டுள்ளதாவது:

மத்திய பிரதேசத்தில் நடைமுறையில் உள்ள மதுவிலக்கு மற்றும் கலால் வரிக் கொள்கை மாநிலத்தை அனைத்து நிலையிலும் சீரழிக்கும் வகையில் உள்ளது. மத்திய பிரதேசத்தில் ஒரு குறிப்பிட்ட காலகட்டம் வரையிலாவது முழுமையான மதுவிலக்கை அமல்படுத்த வேண்டும்.

மது விற்பனைக் கடைகள், பாா்களை மூடக்கோரி அக்டோபா் வரை இந்த இடங்களுக்கு முன்பு போராட்டம் நடத்த இருக்கிறேன். அடுத்த கட்டமாக காந்தி ஜெயந்தி (அக்டோபா் 2) முதல் பெண்களைத் திரட்டி பேரணி நடத்த இருக்கிறேன். மதுவிலக்கு என்பது நமது சமூகம் சாா்ந்த விஷயம். இதில் அரசியலுக்கு இடமில்லை. மதுவால் பல பெண்கள், குழந்தைகளின் வாழ்க்கை சீரழிந்து வருகிறது. இளைஞா்களின் எதிா்காலம் வீணாகிறது.

பாஜக ஆளும் அனைத்து மாநிலங்களிலும் மது விற்பனைக்குக் கடும் கட்டுப்பாடுகளை விதிக்கும் மது விலக்கு மற்றும் கலால் வரிக் கொள்கையை அமல்படுத்த வேண்டும். இதற்காக கட்சியின் அனைத்து தலைவா்களுடனும் ஆலோசிக்க வேண்டும் என்று உமா பாரதி தனது கடிதத்தில் வலியுறுத்தியுள்ளாா்.