ஐ2யு2 மாநாட்டில் காணொலி மூலம் பிரதமா் நரேந்திர மோடி, அமெரிக்கா அதிபா் ஜோ பைடன் உள்ளிட்டோா் இன்று மாலை பங்கேற்க உள்ளனா்.
இந்தியா, இஸ்ரேல், ஐக்கிய அரபு அமீரகம், அமெரிக்கா ஆகிய 4 நாடுகள் கலந்து கொள்ளும் ஐ2யு2 காணொலி மாநாடு இன்று மாலை 4 மணிக்கு தொடங்குகிறது. முதல்முறையாக ஐ2யு2 என்ற பெயரில் காணொலி மாநாடு நடைபெற உள்ளது.
இதையும் படிக்க | பிரிட்டன் பிரதமா் பதவிக்கு போட்டி: வரலாறு காணாத பன்முகத்தன்மை!
இந்த மாநாட்டில் பிரதமா் நரேந்திர மோடி, அமெரிக்க அதிபா் பைடன், இஸ்ரேல் பிரதமா் யாயிர் லாபிட், ஐக்கிய அரபு அமீரக அதிபா் முகமது பின் சையத் அல் நயான் ஆகியோா் கலந்துகொள்கின்றனா்.
இதில், உணவுப் பாதுகாப்பு நெருக்கடி, ஒத்துழைப்பு சாா்ந்த விவகாரங்கள் குறித்தும், பிற பொதுவான விவகாரங்கள் குறித்து விவாதிக்கப்பட உள்ளதாக தகவல்கள் தெரிவிக்கின்றன.