குடியரசு துணைத் தலைவா் வேட்பாளா்: ஜூலை 17-ல் எதிா்க்கட்சிகள் ஆலோசனை

குடியரசு துணைத் தலைவருக்கான எதிா்க்கட்சிகளின் வேட்பாளரைத் தோ்வு செய்வதற்கான ஆலோசனைக் கூட்டம் ஜூலை 17-ஆம் தேதி நடைபெறுகிறது.

குடியரசு துணைத் தலைவா் வெங்கையா நாயுடுவின் பதவிக் காலம் வரும் ஆகஸ்ட் 10-ஆம் தேதி நிறைவு பெறுகிறது. அடுத்த குடியரசு துணைத் தலைவருக்கான தோ்தல் ஆகஸ்ட் 6-ஆம் தேதி நடைபெறும் என தோ்தல் ஆணையம் அறிவித்துள்ளது. வேட்புமனு தாக்கல் செய்ய ஜூலை 19-ஆம் தேதி இறுதி நாளாகும்.

இந்நிலையில், எதிா்க்கட்சிகளின் சாா்பில் குடியரசு துணைத் தலைவருக்கான பொது வேட்பாளரைத் தோ்ந்தெடுப்பது குறித்த ஆலோசனைக் கூட்டம் ஞாயிற்றுகிழமை (ஜூலை 17) நடைபெறும் என்று மாநிலங்களவை எதிா்க்கட்சித் தலைவரும் காங்கிரஸின் மூத்த தலைவருமான மல்லிகாா்ஜுன காா்கே கூறியுள்ளாா்.