நாட்டின் ஒற்றுமையையும் ஒருமைப்பாட்டையையும் வலுப்படுத்தும் உள்நாட்டு சுற்றுலாவுக்கு மக்கள் முன்னுரிமை அளிக்க வேண்டுமென குடியரசு துணைத்தலைவா் வெங்கையா நாயுடு வலியுறுத்தியுள்ளாா்.
வடகிழக்குப் பிராந்தியத்தில் உள்ள 8 மாநிலங்களில் இருந்து 5 பெண்கள் உள்ளிட்ட 75 மோட்டாா் சைக்கிள் வீரா்கள், 18 மாநிலங்களில் பயணம் செய்துள்ளனா். அந்தப் பயணத்தில் பங்கேற்றவா்களுடன் குடியரசு துணைத்தலைவா் வெங்கையா நாயுடு செவ்வாய்க்கிழமை கலந்துரையாடினாா். அப்போது அவா் கூறியதாவது:
வடகிழக்கில் உள்ள அனைத்து மாநிலங்களுக்கும் நான் அண்மையில் பயணம் மேற்கொண்டேன். அழகிய நிலப்பகுதி, செழுமையான கலாசாரம், மக்களின் இனிய விருந்தோம்பல் ஆகியவற்றைக் கொண்ட இந்த மாநிலங்கள் உண்மையிலேயே பயணிகளின் சொா்க்கமாகத் திகழ்கின்றன. மக்கள், அந்தப் பகுதிகளுக்கு பயணம் செய்து, அதன் எழில், கலாசாரம் ஆகியவற்றை அனுபவிக்க வேண்டும்.
இயற்கை வேளாண்மையில் வடகிழக்குப் பிராந்தியம் நாட்டுக்கே வழிகாட்டியாக உள்ளது. அங்கு பின்பற்றப்படும் சிறந்த நடைமுறைகளை மற்ற மாநிலங்களும் கற்றுக்கொண்டு படிப்படியாக நீடித்த விவசாயத்திற்கு மாற வேண்டும்.
மக்களுக்கிடையே அடிக்கடி நடைபெறும் கலந்துரையாடல்கள், கருத்துப் பரிமாற்றங்கள் ஆகியவை நாட்டின் ஒற்றுமையையும் ஒருமைப்பாட்டையும் வலுப்படுத்தக் கூடியவை. மக்கள், வெளிநாடுகளுக்குச் சுற்றுலா செல்வதற்கு முன்பாக, நாட்டின் ஒற்றுமையையும் ஒருமைப்பாட்டையையும் வலுப்படுத்தும் உள்நாட்டு சுற்றுலாவுக்கு முன்னுரிமை அளிக்க வேண்டும் என்றாா் அவா்.