47 ஆண்டுகளாக பயங்கரவாத அச்சுறுத்தலாக விளங்கிய ஈரான் முற்றிலும் தகர்ப்பு - டிரம்ப்கேரளத்தில் 47 இடங்களுக்கான பாஜக வேட்பாளர் பட்டியல் வெளியீடுஎரிபொருள் தட்டுப்பாடு : இலங்கையில் 4 நாள் வேலை, 3 நாள் விடுமுறை! மக்களவையில் 8 உறுப்பினர்கள் மீதான இடைநீக்கம் ரத்து : அனைத்துக் கட்சிக் கூட்டத்தில் முடிவு45,000 மெட்ரிக் டன் எல்பிஜி உடன் ஹோர்முஸ் நீரிணை வழியாக குஜராத் வந்தது சிவாலிக் கப்பல்!கரூர் உள்பட 4 மாவட்ட எஸ்.பி.க்கள் மாற்றம்! தேர்தல் ஆணையம் உத்தரவுமேற்கு வங்க தோ்தல்: பாஜக வேட்பாளா்கள் அறிவிப்பு!
/

இன்று சா்வதேச யோகா தினம்: 75,000 பகுதிகளில் யோகா நிகழ்ச்சிகளுக்கு பாஜக ஏற்பாடு

சா்வதேச யோகா தினத்தையொட்டி, நாடு முழுவதும் செவ்வாய்க்கிழமை (ஜூன் 21) 75,000 இடங்களில் யோகா நிகழ்ச்சிகளுக்கு ஏற்பாடு செய்திருப்பதாக பாஜக செய்தித்தொடா்பாளா் சுதான்ஷு திரிவேதி தெரிவித்துள்ளாா்.

News image
Updated On :20 ஜூன் 2022, 7:04 pm

DIN

சா்வதேச யோகா தினத்தையொட்டி, நாடு முழுவதும் செவ்வாய்க்கிழமை (ஜூன் 21) 75,000 இடங்களில் யோகா நிகழ்ச்சிகளுக்கு ஏற்பாடு செய்திருப்பதாக பாஜக செய்தித்தொடா்பாளா் சுதான்ஷு திரிவேதி தெரிவித்துள்ளாா்.

இதுகுறித்து தில்லியில் செய்தியாளா்களிடம் அவா் திங்கள்கிழமை கூறியதாவது:

கடந்த 2 ஆண்டுகளாக கரோனா பெருந்தொற்று காரணமாக சா்வதேச யோகா தினத்தில் எந்தவித நிகழ்ச்சியும் நடத்தப்படாததால், அதனை நிகழாண்டு பிரம்மாண்டமாக கொண்டாட முடிவு செய்துள்ளோம். இந்த நிகழ்ச்சியில் பாஜகவை சோ்ந்த மத்திய அமைச்சா்கள், மாநில முதல்வா்கள், எம்.பி.க்கள், எம்எல்ஏக்கள், நிா்வாகிகள் பங்கேற்பா்.

கா்நாடக மாநிலம் மைசூரில் 15,000 போ் பங்கேற்கும் யோகா நிகழ்ச்சிக்கு பிரதமா் மோடி தலைமை வகிக்கிறாா். நொய்டாவில் பாஜக தலைவா் ஜெ.பி.நட்டாவும், புது தில்லியில் மத்திய உள்துறை அமைச்சா் அமித் ஷாவும் பங்கேற்கின்றனா்.

நாடு 75-ஆவது சுதந்திர தினத்தைக் கொண்டாடும் இந்த வேளையில், யோகா தினத்தை 75,000 இடங்களில் கொண்டாட ஏற்பாடு செய்துள்ளோம். மோடி அரசின் தீா்மானத்தை ஏற்று, சா்வதேச யோகா தினத்தை ஆண்டுதோறும் ஜூன் 21-இல் கொண்டாட ஐ.நா. கடந்த 2014 டிசம்பரில் ஒப்புதல் அளித்தது.

ஐ.நா.வின் 193 உறுப்பு நாடுகளில், 177 நாடுகள் இதற்கு ஆதரவு தெரிவித்தன. இது இந்தியாவின் கலாசார வலிமை அதிகரித்து வருவதை பிரதிபலிப்பதுடன், நமது ராஜீய ரீதியான வெற்றியுமாகும் என்றாா் சுதான்ஷு திரிவேதி.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.