பெங்களூர்(கர்நாடகா): கர்நாடக அரசுப்பேருந்து விபத்தில் சிக்கியது. 45 பேரில் 29 பேர் காயம் 4 பேர் படுகாயமென காவல் துறை தெரிவித்திருக்கிறது.
பெங்களூர் கெங்கேரி காவல் நிலையத்துக்கு உட்பட்ட பகுதியில் நள்ளிரவு 1.30 மணிக்கு விபத்து ஏற்பட்டிருக்கிறது.
மேற்கு பெங்களூர் துணைக் காவல் ஆய்வாளர் சஞ்சீவ் பாட்டீல் கூறியதாவது: மடிகேரியில் இருந்து 45 பயணிகளுடன் வந்து கொண்டிருந்த கர்நாடக அரசு போக்குவரத்துப் பேருந்து (கேஎஸ்ஆர்டிசி) பெங்களூரு கெங்கேரி பகுதியில் விபத்துக்கு உள்ளானது. இதில் 4 பேர் படுகாயமும் 29 பேர் லேசான காயத்துடனும் மருத்துவமனையில் சேர்க்கப்பட்டுள்ளனர்.