வெளிநாட்டு படப்பிடிப்புக்கு இந்தியாவில் சலுகைகள்: அமைச்சா் அனுராக் தாக்குா் அறிவிப்பு

வெளிநாட்டுத் திரைப்படங்களுக்கு இந்தியாவில் படப்பிடிப்பு நடத்த சலுகைககள் வழங்கப்படும் என கேன்ஸ் திரைப்பட விழாவில் மத்திய மத்திய செய்தி ஒலிபரப்புத் துறை அமைச்சா் அனுராக் தாக்குா் உறுதியளித்தாா்.

கேன்ஸ் திரைப்பட சந்தையான ‘மாா்ச்சே டு பிலிம்’-இல் அமைக்கப்பட்டுள்ள இந்திய அரங்கை அவா் புதன்கிழமை தொடக்கிவைத்து பேசியதாவது:

இந்தியாவில் ஒலி-ஒளி இணை தயாரிப்புக்கான ஊக்குவிப்புத் திட்டம், வெளிநாட்டுத் திரைப்படங்களை இந்தியாவில் படம்பிடிப்பதற்கான ஊக்குவிப்புத் திட்டம் என இரண்டு புதிய திட்டங்கள் அறிமுகப்படுத்தப்பட்டுள்ளன.

அதன்படி வெளிநாட்டுப் படங்களை இந்தியாவுடன் இணைந்து கூட்டாக தயாரிப்பதற்கு ரூ.2 கோடி வரையிலும், வெளிநாட்டுப் படங்களை இந்தியாவில் படம்பிடிக்க ரூ.2.5 கோடி வரையிலும் ஊக்கத்தொகை அளிக்கப்படும். அதாவது, கூட்டாக படம் தயாரிக்கும் சா்வதேச திரைப்பட நிறுவனங்கள் இந்தியாவில் ஏற்படக்கூடிய செலவினத்தில் 30 சதவீதம் வரை திரும்பப் பெறலாம். வெளிநாட்டுத் திரைப்படங்களை இந்தியாவில் படம்பிடிப்பதற்கு 5 சதவீத ஊக்கத்தொகை அதாவது அதிகபட்சமாக ரூ.50 லட்சம் கூடுதலாக (65,000 அமெரிக்க டாலா்) திரும்பப் பெறலாம்.

டிஜிட்டல் / ஓடிடி தளங்கள் இந்தியாவில் மாற்றத்தை ஏற்படுத்தியுள்ளன. இந்தியா வலிமையான அறிவுசாா் சொத்துரிமை முறையைப் பெற்றிருப்பதோடு, தற்போது எண்ம (டிஜிட்டல்) ஊடகங்களும் பெரும் பங்கு வகிக்கின்றன. தேசிய திரைப்பட பாரம்பரிய இயக்கத்தின் கீழ், திரைப்படங்களை மீட்டெடுப்பதற்கான உலகின் மாபெரும் திட்டத்தை இந்தியா தொடங்கியுள்ளது. இத்திட்டத்தின் கீழ், பல்வேறு மொழிகளைச் சோ்ந்த 2,200 படங்கள் அவற்றின் பழம்பெருமையுடன் மீட்டெடுக்கப்பட்டுள்ளன என்றாா் அவா்.

இந்த நிகழ்ச்சியில், 53-ஆவது இந்திய சா்வதேசத் திரைப்பட விழாவுக்கான அதிகாரபூா்வ பேனரையும் அனுராக் தாக்குா் வெளியிட்டாா்.

நிகழ்ச்சியில் நடிகை தமன்னா பேசுகையில், இந்தியா தற்போது 75-ஆவது ஆண்டு சுதந்திர தினத்தைக் கொண்டாடும் வேளையில், கேன்ஸ் திரைப்பட விழாவை இந்தியாவுடன் இணைந்து கொண்டாடுவது தனிச்சிறப்புமிக்கது என்றாா்.

நடிகா் ஆா். மாதவன், இசையமைப்பாளா் ஏ.ஆா். ரஹ்மான், பாடகா் மாமேகான், நடிகைகள் தீபிகா படுகோன், ஊா்வசி ரவுத்தேலா, பூஜா ஹெக்டே, வாணி திரிபாதி, இயக்குநா் சேகா் கபூா், செய்தி ஒலிபரப்புத் துறை செயலா் அபூா்வ சந்திரா, திரைப்படத் தணிக்கை வாரியத் தலைவா் பிரசூன் ஜோஷி உள்ளிட்டோா் பங்கேற்றனா்.

கேன்ஸ் திரைப்பட விழாவில் பங்கேற்கும் இந்தியக் குழுவினருக்கு பிரதமா் மோடி அனுப்பிய வாழ்த்து செய்தியை, பிரான்ஸ் நாட்டுக்கான இந்திய தூதா் ஜாவேத் அஷ்ரப் வாசித்தாா்.