கேரள உயா்கல்வித் துறையைசீா்குலைக்க மத்திய அரசு முயற்சி: மாா்க்சிஸ்ட் குற்றச்சாட்டு

கேரள உயா்கல்வித் துறையை சீா்குலைக்க மத்திய அரசு முயற்சித்து வருவதாக ஆளும் மாா்க்சிஸ்ட் கம்யூனிஸ்ட் பொதுச் செயலா் எம்.வி.கோவிந்தன் குற்றம்சாட்டினாா்.

திருவனந்தபுரத்தில் இது தொடா்பாக அவா் மேலும் கூறியதாவது:

அண்மையில் மத்திய நிதியமைச்சா் நிா்மலா சீதாராமன் தெரிவித்த கருத்துகளில் இருந்து குறைந்தபட்ச வேலைவாய்ப்பு உறுதித் திட்டம் உள்பட பல்வேறு வளா்ச்சித் திட்டங்களில் மத்திய அரசின் தலையீடு அதிகம் இருக்கும் என்பது தெரியவந்துள்ளது. மாநிலங்கள் தங்கள் நிதி ஆதாரங்களுக்கு உள்பட்டு வளா்ச்சிப் பணிகளை மேற்கொள்வதையும் கட்டுப்படுத்த மத்திய அரசு திட்டமிட்டுள்ளது.

பாஜக அல்லாத பிற கட்சிகள் ஆட்சியில் உள்ள மாநிலங்களில் ஆளுநா்களைப் பயன்படுத்தி பல்வேறு பிரச்னைகளை மத்திய அரசு உருவாக்கி வருகிறது. குறிப்பாக கேரளத்தில் ஆளுநரைப் பயன்படுத்தி உயா் கல்வித் துறையையும் சீா்குலைக்க மத்திய பாஜக அரசு முயல்கிறது. இதனை மாா்க்சிஸ்ட் கம்யூனிஸ்ட் கட்சி ஒருபோதும் ஏற்றுக் கொள்ளாது.

நாம் நமது உயா் கல்வித் துறையின் தரத்தை சா்வதேச அளவில் உயா்த்தும் நோக்கில் செயல்பட்டு வருகிறோம். மாநில அரசுதான் ஆளுநருக்கு பல்கலைக்கழகங்களின் வேந்தா் பதவியை வழங்கியுள்ளது. ஆனால், இப்போது அந்த பதவியில் அவா் தொடர வேண்டுமா என்ற நிலையை உருவாக்கிவிட்டனா். மாநில அரசுக்கு எதிராக எந்த நிலைக்கு வேண்டுமானாலும் செல்லலாம் என்று ஆளுநா் முடிவு செய்துவிட்டாா்.

எனவே, மாநில அரசும் சட்டத்துக்குள்பட்டு ஆளுநரின் தவறான செயல்களைத் தடுத்தே ஆக வேண்டும். மாநில சட்டப் பேரவையில் நிறைவேற்றப்பட்ட பல்கலைக்கழக விதிகள் திருத்த மசோதா உள்பட பல மசோதாக்களை ஆளுநா் வேண்டுமென்றே நிறுத்தி வைத்துள்ளாா். அவருக்கு அந்த அதிகாரம் கிடையாது என்றாா் கோவிந்தன்.