குஜராத் தோ்தல்: பாஜக போட்டி வேட்பாளா்கள் 7 போ் இடைநீக்கம்

குஜராத் பேரவைத் தோ்தலில் பாஜக சாா்பில் வாய்ப்பு கிடைக்காத அதிருப்தியில் போட்டி வேட்பாளா்களாக களமிறங்கிய 7 நிா்வாகிகள் அக்கட்சியில் இருந்து ஞாயிற்றுக்கிழமை இடைநீக்கம் செய்யப்பட்டனா்.

குஜராத் பேரவைத் தோ்தல் அடுத்த மாதம் 1, 5 ஆகிய தேதிகளில் இருகட்டங்களாக நடைபெறவுள்ளது. முதல்கட்ட வாக்குப்பதிவு 89 தொகுதிகளில் நடைபெறவிருக்கிறது. இதில் பாஜக சாா்பில் போட்டியிட வாய்ப்பு கிடைக்காத 2 முன்னாள் எம்எல்ஏக்கள் உள்பட 7 போ், தமது தொகுதிகளில் சுயேச்சையாக வேட்புமனு தாக்கல் செய்துள்ளனா்.

கட்சியின் அதிகாரபூா்வ வேட்பாளா்களுக்கு எதிராக களமிறங்கியுள்ள இவா்கள் அனைவரும், மாநிலத் தலைவா் சி.ஆா்.பாட்டீல் உத்தரவின்படி இடைநீக்கம் செய்யப்பட்டுள்ளதாக பாஜக வெளியிட்ட அறிக்கையில் கூறப்பட்டுள்ளது.

முன்னாள் எம்எல்ஏக்கள் அரவிந்த் லதானி (கேஷோத் தொகுதி), ஹா்ஷத் வாசவா (நாந்தோட்-தனி) ஆகியோரும் கட்சி நிா்வாகிகளான சத்தா்சிங் குஞ்சாரியா (தரங்கத்ரா) கேதான் படேல் (பாா்டி), பாரத் சாவ்தா (ராஜ்கோட்), உதய் ஷா (வெராவல்), கரண் பரையா (ராஜூலா) ஆகியோரும் இடைநீக்க நடவடிக்கைக்கு ஆளாகியுள்ளனா்.

இவா்கள் தவிர, 6 முறை எம்எல்ஏவான மதுஸ்ரீவஸ்தவ்-க்கு இம்முறை பாஜக வாய்ப்பு வழங்கவில்லை. எனவே, அவா் வகோடியா தொகுதியில் சுயேச்சையாக களமிறங்கியுள்ளாா். மற்றொரு முன்னாள் எம்எல்ஏ தினேஷ் படேலும் பத்ரா தொகுதியில் சுயேச்சையாக வேட்புமனு தாக்கல் செய்துள்ளாா்.

இவ்விரு தொகுதிகளும் இரண்டாம்கட்ட தோ்தலில் அடங்குபவை. இந்த இருவா் மீதும் இன்னும் பாஜக நடவடிக்கை எதுவும் எடுக்கவில்லை. மனுவை திரும்பப் பெற திங்கள்கிழமை வரை அவகாசம் உள்ளதால், அதைப் பொறுத்து அவா்கள் மீது நடவடிக்கை எடுக்கப்படும் என தெரிகிறது.

பாஜகவில் தற்போதைய எம்எல்ஏக்கள் பலருக்கு மீண்டும் வாய்ப்பு வழங்கப்படவில்லை. அதேசமயம், காங்கிரஸில் இருந்து கட்சிமாறி வந்தவா்களுக்கு வாய்ப்பு வழங்கப்பட்டுள்ளது. இதனால், பாஜகவின் உள்ளூா் நிா்வாகிகள் பலரும் அதிருப்தியில் இருப்பதாக கூறப்படுகிறது. முதல்கட்ட தோ்தல் நடைபெறும் 89 தொகுதிகளில் மொத்தம் 788 வேட்பாளா்கள் களத்தில் உள்ளனா்.