பிகாா்: ஹிந்து கடவுள்கள் குறித்து பாஜக எம்எல்ஏ சா்ச்சை பேச்சு: ஹிந்து அமைப்புகள் போராட்டம்

ஹிந்து கடவுள்கள் லஷ்மி, சரஸ்வதி, ஹனுமன் குறித்து பேசி, ஹிந்துக்களின் மத உணா்வுகளை புண்படுத்தியதாக சா்ச்சையில் சிக்கியுள்ளாா் பிகாா் பாஜக எம்எல்ஏ லாலன் பாஸ்வான். அவரை கண்டித்து ஹிந்து அமைப்புகள் போராட்டத்தில் ஈடுபட்டன.

தனது பேச்சு மற்றும் செயல்பாடுகளால் அவ்வப்போது சா்ச்சைக்கு ஆளாகி வருபவரான இவா், ஹிந்து கடவுள்கள் குறித்து பேசும் விடியோ சமூக ஊடகங்களில் வேகமாக பரவியது. சில தொலைக்காட்சி சேனல்களிலும் அந்த விடியோ வெளியானது.

அதில், ‘சரஸ்வதி, லஷ்மி ஆகிய கடவுள்களை முஸ்லிம்கள் மற்றும் கிறிஸ்தவா்கள் வழிபடுவதில்லை. அதற்காக, அவா்களுக்கு கல்வியோ, செல்வ வளமோ இல்லாமல் போய்விட்டதா? அமெரிக்காவில் ஹனுமனை ஆராதிப்பதில்லை. ஆனால், சக்திவாய்ந்த நாடாக அமெரிக்கா இன்றளவும் இருக்கிறது. எல்லாமே வெறும் நம்பிக்கை சாா்ந்த விஷயம்தான்’ என்று லாலன் பாஸ்வான் பேசுவதாக காட்சிகள் உள்ளன.

அவரது தாயாா் கடந்த வாரம் மரணமடைந்த நிலையில், இறுதிச்சடங்கு சம்பிரதாயங்களை கேள்விக்குள்ளாக்கியும் விடியோவில் பேசியிருப்பதாக தெரிகிறது.

பாஜக எம்எல்ஏவின் இந்த பேச்சுகளுக்கு கண்டனம் தெரிவித்து, பாகல்பூரில் ஹிந்து அமைப்பினா் போராட்டங்களில் ஈடுபட்டனா். அவரது உருவ பொம்மையும் எரிக்கப்பட்டது.

இதுகுறித்து ராஷ்ட்ரீய ஜனதா தளம் மிருத்யுஞ்சய் திவாரி கூறுகையில், ‘ஹிந்து கடவுள்களை வழிபடுவோரின் வாக்குகள், லாலனுக்கு தேவையில்லையென என நினைக்கிறேன். ஜெய்ஸ்ரீராம் என முழங்கி வரும் பாஜக, தனது கட்சி எம்எல்ஏவின் கருத்துகளை பொறுத்துக் கொள்வது வியப்பளிக்கிறது’ என்றாா்.

காங்கிரஸ் எம்எல்ஏ அஜீத் சா்மா கூறுகையில், ‘ஹிந்து கடவுள்கள் அனைவரையும் வழிபடும் பெருமைக்குரிய ஹிந்து நான். லாலனுக்கு என தனிப்பட்ட நம்பிக்கைகள் இருக்கலாம். ஆனால், பொதுவெளியில் இதுபோன்ற பேச்சுகள் தவிா்க்கப்பட வேண்டும்’ என்றாா்.

பாஜக எம்எல்ஏ மறுப்பு: இதனிடையே, தன் மீது அவதூறு பரப்பும் நோக்கில் அந்த விடியோவில் தவறான மாற்றங்கள் செய்யப்பட்டுள்ளதாக லாலன் பாஸ்வான் விளக்கமளித்தாா். ‘தீண்டதகாததாக கருதப்பட்ட சமூகத்தில் இருந்து வந்த என்னைப் போன்றவா்களுக்கு ஆதரவாக நிற்கும் பாஜக மற்றும் ஆா்எஸ்எஸ் அமைப்புக்கு கடமைப்பட்டுள்ளேன்’ என்று அவா் குறிப்பிட்டுள்ளாா்.