மம்தா டிசம்பரில் கைது? பாஜக தலைவர்

கொல்கத்தா: மேற்கு வங்க முதல்வர் மம்தா பானர்ஜி விரைவில் கைது செய்யப்படலாம் என்று மாநில பாஜக தலைவர் சுகந்தா மஜும்தார் கூறியுள்ளார்.

அது மட்டுமல்ல, மேற்கு வங்க மாநில அரசு பற்றி பல்வேறு ஆரூடங்களையும் அவர் சரமாரியாக வெளியிட்டு சொந்தக் கட்சியினரே கலங்கும் வகையில் கூறியுள்ளார்.

இதையும் படிக்க | இனி வாட்ஸ்ஆப்பிலேயே பிஎன்ஆர், ரயில் ஸ்டேடஸ் அறியும் வசதி!

மம்தா பானர்ஜி வரும் டிசம்பர் மாதத்தில் கைது செய்யப்படலாம். திரிணமூல் காங்கிரஸ் கட்சியின் தலைமைக்கு தற்போது 41 தலைவர்களின் பெயர்கள் அடிபடுகிறது. வரும் டிசம்பரில் மேற்கு வங்கத்தில் ஆட்சி கவிழ்ந்துவிடும் என்று மஜும்தார் குறிப்பிட்டுள்ளார்.

இவருடன், நடிகரும் பாஜக தலைவருமான மிதுன் சக்ரவர்த்தி பேசுகையில், மம்தா பானர்ஜி கட்சியைச் சேர்ந்த 21 எம்எம்ஏக்களுடன் நான் பேசி வருகிறேன். நான் ஏற்கனவே கூட இதனைக் கூறியிருக்கிறேன், தற்போதும் சொல்கிறேன், சிறிது காலம் காத்திருங்கள் உரிய நேரும் வரும் என்று குறிப்பிட்டுள்ளார்.