குடியரசு துணைத் தலைவர் தேர்தல்: மும்முரமாக வாக்களித்த எம்.பி.க்கள்! (படங்கள்)

நாட்டின் குடியரசு துணைத் தலைவருக்கான தேர்தல் இன்று காலை 10 மணிக்குத் தொடங்கி நடைபெற்று வருகிறது.  நாடாளுமன்ற எம்.பி.க்கள் ஆர்வத்துடன் வாக்களித்து வருகின்றனர். 
குடியரசு துணைத் தலைவர் தேர்தலில் வாக்களித்த திமுக எம்.பி.க்கள்
குடியரசு துணைத் தலைவர் தேர்தலில் வாக்களித்த திமுக எம்.பி.க்கள்

நாட்டின் குடியரசு துணைத் தலைவருக்கான தேர்தல் இன்று காலை 10 மணிக்குத் தொடங்கி நடைபெற்று வருகிறது.  நாடாளுமன்ற எம்.பி.க்கள் ஆர்வத்துடன் வாக்களித்து வருகின்றனர். 

குடியரசு துணைத் தலைவா் பதவிக்கு ஆளும் தேசிய ஜனநாயக கூட்டணி சாா்பில் மேற்கு வங்க முன்னாள் ஆளுநா் ஜகதீப் தன்கரும் (71), எதிா்க்கட்சிகளின் பொது வேட்பாளராக ராஜஸ்தான் முன்னாள் ஆளுநா் மாா்கரெட் ஆல்வாவும் (80) போட்டியிடுகின்றனர். 

பிரதமர் மோடி
பிரதமர் மோடி

குடியரசுத் தலைவா் தோ்தலைப் போல் அல்லாமல், இத்தோ்தலில் மக்களவை, மாநிலங்களவை எம்.பி.க்கள் மட்டுமே வாக்களிப்பாா்கள். நியமன உறுப்பினா்களும் வாக்களிக்க தகுதி பெற்றவா்களாவா். எம்.பி.க்கள் வாக்களிக்க வசதியாக, நாடாளுமன்றத்தில் உரிய ஏற்பாடுகள் மேற்கொள்ளப்பட்டுள்ளன. 

பாஜக எம்.பி.க்கள்
பாஜக எம்.பி.க்கள்

வாக்குப்பதிவு இன்று காலை 10 மணிக்கு தொடங்கி மாலை 5 மணி வரை நடைபெறும். பின்னா், உடனடியாக வாக்குகள் எண்ணப்பட்டு, முடிவு அறிவிக்கப்படும். 

மன்மோகன் சிங்
மன்மோகன் சிங்

நாடாளுமன்ற வளாகத்தில் ஏற்பாடு செய்யப்பட்டிருந்த மையத்தில் பிரதமர் நரேந்திர மோடி முதல் ஆளாகி வாக்களித்தார். அவரைத் தொடர்ந்து பிற எம்.பி.க்கள் வாக்களித்து வருகின்றனர். 

அமித் ஷா
அமித் ஷா

மத்திய உள்துறை அமைச்சர் அமித் ஷா, பாதுகாப்புத்துறை அமைச்சர் ராஜ்நாத் சிங், பாஜக எம்.பி.யும் கட்சியின் தலைவருமான ஜெ.பி.நட்டா, பியூஷ் கோயல் உள்ளிட்ட பாஜக எம்.பி.க்கள் ஆர்வமுடன் வந்து வாக்களித்தனர். 

ராஜ்நாத் சிங்குடன் ஜெ.பி. நட்டா
ராஜ்நாத் சிங்குடன் ஜெ.பி. நட்டா
பி.டி.உஷா
பி.டி.உஷா
ஹர்பஜன் சிங்
ஹர்பஜன் சிங்

அதுபோல பி.டி.உஷா, ஹர்பஜன் சிங் உள்ளிட்ட நியமன எம்.பி.க்களும் வந்து வாக்களித்தனர். 

சோனியா காந்தி
சோனியா காந்தி
ராகுல் காந்தி
ராகுல் காந்தி

எதிர்க்கட்சித் தரப்பில் காங்கிரஸ் எம்.பி.க்கள், திமுக மற்றும் கூட்டணி கட்சியைச் சேர்ந்த எம்.பி.க்களான கனிமொழி, திருச்சி சிவா, வைகோ உள்ளிட்டோரும் வாக்களித்தனர். 

ஜெய்சங்கர்
ஜெய்சங்கர்
நிர்மலா சீதாராமன்
நிர்மலா சீதாராமன்

இதில் மக்களவை உறுப்பினர்கள் 543 பேர், மாநிலங்களவை உறுப்பினர்கள் 245 பேர் என மொத்தம் 788 எம்.பி.க்கள் வாக்களிக்க உள்ளனர்.

ஸ்மிரிதி இரானி
ஸ்மிரிதி இரானி

பாஜகவிடமே போதிய எம்.பி.க்கள் உள்ள நிலையில் வேறு சில கட்சிகளின் ஆதரவுடன் தேசிய ஜனநாயக கூட்டணி வேட்பாளர் ஜகதீப் தன்கர் வெற்றி பெறுவார் என எதிர்பார்க்கப்படுகிறது. 

நாடாளுமன்றத்திற்கு வந்த எதிர்க்கட்சி வேட்பாளர் மாா்கரெட் ஆல்வா
நாடாளுமன்றத்திற்கு வந்த எதிர்க்கட்சி வேட்பாளர் மாா்கரெட் ஆல்வா

அதேசமயம், காங்கிரஸ், தேசியவாத காங்கிரஸ், திமுக உள்ளிட்ட 17 எதிா்க்கட்சிகளின் பொது வேட்பாளரான மாா்கரெட் ஆல்வாவுக்கு 200 வாக்குகளுக்கு மேல் கிடைக்கும் என எதிா்பாா்க்கப்படுகிறது. 

மல்லிகார்ஜுன கார்கே
மல்லிகார்ஜுன கார்கே
வைகோ
வைகோ

ஆம் ஆத்மி, ஜாா்க்கண்ட் முக்தி மோா்ச்சா, தெலங்கானா ராஷ்டிர சமிதி ஆகிய கட்சிகளும் ஆல்வாவுக்கு ஆதரவு தெரிவித்துள்ளன. 

கனிமொழி
கனிமொழி

23 எம்.பி.க்களைக் கொண்ட திரிணமூல் காங்கிரஸ் கட்சி, குடியரசு துணைத் தலைவா் தோ்தலை புறக்கணிக்கப் போவதாக ஏற்கெனவே அறிவித்துள்ளது குறிப்பிடத்தக்கது. 

சுப்ரியா சுலே
சுப்ரியா சுலே

தற்போது குடியரசு துணைத் தலைவராக உள்ள வெங்கையா நாயுடுவின் பதவிக்காலம் ஆகஸ்ட் 10-ஆம் தேதி நிறைவடைகிறது. 

பரூக் அப்துல்லா
பரூக் அப்துல்லா
பாஜக எம்.பி.க்கள்
பாஜக எம்.பி.க்கள்
கனிமொழி, கார்த்தி சிதம்பரம்
கனிமொழி, கார்த்தி சிதம்பரம்

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com