காங்கிரஸில் இருந்து ராகுலை வெளியேற்ற வேண்டும்: பாஜக

காங்கிரஸ் கட்சியில் இருந்து ராகுல் காந்தியை வெளியேற்ற வேண்டும் என்று பாஜகவினர் கருத்து தெரிவித்துள்ளனர்.
காங்கிரஸில் இருந்து ராகுலை வெளியேற்ற வேண்டும்: பாஜக


காங்கிரஸ் கட்சியில் இருந்து ராகுல் காந்தியை வெளியேற்ற வேண்டும் என்று பாஜகவினர் கருத்து தெரிவித்துள்ளனர்.

அருணாச்சலப் பிரசேதத்தில் இந்திய ராணுவ வீரர்களை சீன ராணுவத்தினர் தாக்குகிறார்கள் என்று ராகுல் காந்தியின் கருத்துக்கு பாஜகவினர் எதிர்ப்பு தெரிவித்து அவரை கட்சியில் இருந்து உடனடியாக நீக்க வேண்டும் என்று கடுமையாகத் தாக்கியுள்ளனர். 

பாஜகவின் செய்தி தொடர்பாளர் கௌரவ் பாட்டியா கூறுகையில், 

காங்கிரஸ் தலைவர் மல்லிகார்ஜூன கார்கே ரிமோட் கண்ட்ரோல் போல கட்டுப்படுத்தப்படுவர் இல்லை என்றால், எதிர்க்கட்சிகள் நாட்டிற்கு ஆதரவாக இருந்தால், இந்தியாவை இழிவுபடுத்தும் கருத்துக்காக காந்தியை காங்கிரஸில் இருந்து வெளியேற்ற வேண்டும் என்றார். 

வெள்ளியன்று ஜெய்ப்பூரில் நடந்த செய்தியாளர் சந்திப்பில், 

ஒற்றுமை நடைப்பயணத்தின்போது, போருக்கு சீனா தயாராகி வருவதாகவும், அச்சுறுத்தலைப் புறக்கணிக்க முயற்சிப்பதாகவும் அதை ஏற்கத் தயாராக இல்லை என்றும் அவர் கூறினார். 

அருணாச்சல பிரதேசத்தில் இந்திய மற்றும் சீன ராணுவ வீரர்களுக்கு இடையே சமீபத்தில் நடந்த மோதலை வெளிப்படையாகக் குறிப்பிடுகையில், அப்பகுதியில் உள்ள இந்திய வீரர்கள் "அடிக்கப்பட்டுள்ளனர்" என்றார்.

காங்கிரஸ் கட்சியின் முக்கிய உந்து சக்தியாகக் கருதப்படும் காந்திக்கு எதிராக காங்கிரஸ் செயல்படவில்லை என்றால், அவரது அறிக்கை எதிர்க்கட்சியின் மனநிலையைப் பிரதிபலிக்கிறது என்று அர்த்தம்.

காங்கிரஸ் ஒரு அரசியல் கட்சியாக இல்லாமல், இந்தியாவுக்கு எதிரான நடவடிக்கைகளின் கூடாரமாக மாறிவிட்டது என்று அவர் குற்றம் சாட்டினார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com