வட மாநிலங்களிலும் சதமடித்த தக்காளி விலை!

தமிழகத்தை தொடர்ந்து வட மாநிலங்களிலும் தக்காளி விலை 100 ரூபாயை கடந்துள்ளது.

சென்னையில் கடந்த வாரம் ரூ.40-க்கு விற்பனை செய்யப்பட்ட தக்காளி, செவ்வாய்க்கிழமை ரூ.100-ஐ கடந்து விற்பனையானது. வெளிமாநிலங்களில் இருந்து தக்காளி வரத்து குறைந்ததால் விலை அதிகரித்துள்ளதாக வியாபாரிகள் தெரிவித்திருந்தனர்.

இந்நிலையில், தில்லி, உத்தரப்பிரதேசம் உள்ளிட்ட வட மாநிலங்களில் இன்று காலை நிலவரப்படி சில்லரை வியாபாரக் கடைகளில் ரூ.100-க்கு விற்பனை செய்யப்பட்டு வருகின்றது.

இதற்கிடையே, பொதுமக்களுக்கு ஏற்பட்டுள்ள சிரமத்தை குறைக்க தமிழகத்தில் உள்ள பசுமை பண்ணை அங்காடிகளில் கொள்முதல் விலையிலேயே தக்காளியை விற்பனை செய்ய ஏற்பாடு செய்யப்பட்டுள்ளது.