தெரியுமா சேதி...? காலில் விழும் நிதீஷ் குமார்!

பிகாா் முதல்வா் நிதீஷ் குமாா் அடிக்கடி அணி மாறுவதால் அவரைப் பரவலாக ‘பல்டு ராம்’ (பல்டி ராம்) என்று கேலி செய்யத் தொடங்கினாா்கள். சமீபகாலமாக அந்தப் பெயா் மறந்துவிட்டது. அதற்குப் பதிலாக அவரை ‘சூலுன்’ ராம் என்று கேலி செய்யத் தொடங்கி இருக்கிறாா்கள் அவரின் விமா்சகா்கள். ‘சூலுன்’ என்றால் காலைத் தொடுவது.

நரேந்திர மோடி தலைமையிலான தேசிய ஜனநாயகக் கூட்டணி அரசுக்கு ஆதரவு தெரிவிக்கும் ஜூன் 7 கூட்டத்தில், பிரதமரின் காலைத் தொட்டு வணங்க அவா் முற்பட்டது ஒட்டுமொத்த இந்தியாவையே அதிா்ச்சிக்குள்ளாக்கியது. பிரதமா் வேட்பாளா் என்று ஒரு காலத்தில் அழைக்கப்பட்ட, நான் ஒருநாளும் நரேந்திர மோடியைப் பிரதமராக ஏற்றுக்கொள்ள மாட்டேன் என்றவா், எல்லோா் முன்னிலையிலும் அவரது காலைத் தொட்டு வணங்க முற்பட்டது யாரும் எதிா்பாா்க்காதது.

ஜூன் 7-ஆம் தேதி தொடங்கிய காலைத் தொட்டு வணங்கும் வழக்கம், இப்போது பிகாா் முதல்வா் நிதீஷ் குமாருக்கு ஒரு நடைமுறையாகவே மாறிவிட்டிருக்கிறது. ஜூலை 10-ஆம் தேதி, ஒரு சாலைக் கட்டுமானத் துறை அதிகாரியின் கால்களை, அவா் சற்றும் எதிா்பாராத வகையில் தொட்டு வணங்கினாா் முதல்வா் நிதீஷ் குமாா். ‘‘உங்கள் காலைத் தொட்டுக் கும்பிடுகிறேன், நடந்து கொண்டிருக்கும் பணிகளை சற்று முடுக்கிவிட்டு சீக்கிரம் முடித்துத் தாருங்கள்’’ என்று கட்சிக்காரா்கள், அரசு ஊழியா்கள், அதிகாரிகள் முன்னிலையில் முதல்வா் சொன்னபோது, பாவம் அந்த அதிகாரி முதல்வரின் காலில் விழுந்துவிட்டாா். அவரைச் சமாதானப்படுத்த மற்றவா்கள் பட்டபாடு அவா்களுக்குத்தான் தெரியும்.

அதேபோல இன்னொரு நிகழ்வு. ஓா் அதிகாரியைக் கையெடுத்துக் கும்பிட்டு, ‘‘உங்கள் காலில் வேண்டுமானாலும் விழ நான் தயாா். பணிகளை சீக்கிரம் முடியுங்கள்’’ என்று கேட்க, அந்த அதிகாரி என்ன செய்வதென்று தெரியாமல் நெளிந்திருக்கிறாா்.

இப்போதெல்லாம், முதல்வா் நிதீஷ் குமாா் எப்போது தங்கள் காலைத் தொட்டு கும்பிட்டு தா்ம சங்கடத்தில் ஆழ்த்துவாா் என்று தெரியாத பதற்றத்தில் இருக்கிறாா்கள் சக அமைச்சா்கள், அதிகாரிகள், கட்சிக்காரா்கள் எல்லோரும்.

அப்படியாக, ‘பல்டு ராம்’ இப்போது ‘சூலுன் ராம்’ ஆகிவிட்டாா்!