கேரளம்: 20-ல் 13 இடங்களில் காங்கிரஸ் தொடர்ந்து முன்னிலை!

மக்களவைத் தேர்தலில் கேரளத்தில் காங்கிரஸ் கட்சி தொடர்ந்து முன்னிலையில் நீடித்து வருகிறது

Updated On :4 ஜூன் 2024, 7:44 am

மக்களவைத் தேர்தலில் கேரளத்தில் காங்கிரஸ் கட்சி தொடர்ந்து முன்னிலையில் நீடித்து வருகிறது.

மக்களவைத் தேர்தலில் பதிவான வாக்குகள் எண்ணப்பட்டு வருகின்றன. இதில் கேரளத்தில் காலை முதலே காங்கிரஸ் கட்சி முன்னிலையில் நீடித்து வருகிறது.

1 மணி நிலவரப்படி, கேரளத்தில் உள்ள 20 தொகுதிகளில் 13-ல் காங்கிரஸ் கட்சி முன்னிலையில் நீடித்து வருகிறது. அதற்கு அடுத்தபடியாக பாரதிய ஜனதா 2 தொகுதிகளிலும், ஐஎம்யுஎல் -2 தொகுதிகளிலும், மற்றவை 2 தொகுதிகளிலும் முன்னிலையில் உள்ளது.

இடதுசாரி ஒரு தொகுதியிலும் முன்னிலையில் உள்ளது.

திருவனந்தபுரம் தொகுதியில் நட்சத்திர வேட்பாளர் சசிதரூர் 16,522 வாக்குகள் பின்னடைவில் உள்ளார். பாஜகவின் ராஜீவ் சந்திரசேகர் 2,44,632 வாக்குகள் பெற்று முன்னிலையில் நீடிக்கிறார்.