காங்கிரஸ் எம்.எல்.ஏ., ராஜிநாமா!

காங்கிரஸ் மூத்த தலைவரும் குஜராத் மாநிலம் போர்பந்தர் தொகுதி காங்கிரஸ் எம்.எல்.ஏ.வுமான அர்ஜுன் மோத்வாடியா தனது பதவியை ராஜிநாமா செய்தார்.

காங்கிரஸ் கட்சியிலிருந்து விலகிய நிலையில், எம்.எல்.ஏ. பதவியையும் ராஜிநாமா செய்தார்

காங்கிரஸ் எம்.பி. ராகுல் காந்தியின் ஒற்றுமை நடைப்பயணம் குஜராத் மாநிலத்தில் நடைபெற்ற இரு நாள்களுக்குப் பிறகு, அர்ஜுன் தனது பதவியை ராஜிநாமா செய்துள்ளார்.

ராமர் கோயில் சிலை பிரதிஷ்டை நிகழ்ச்சியை புறக்கணிப்பதாகவும், அதில் பங்கேற்கப்போவதில்லை எனவும் காங்கிரஸ் கட்சி அறிவித்ததால், அர்ஜுன் மோத்வாடியா அதிருப்தியில் இருந்ததாகக் கூறப்படுகிறது.

இதனால், 40 ஆண்டுகளுக்கும் மேலாக இருந்துவந்த காங்கிரஸ் கட்சியிலிருந்து அர்ஜுன் விலகியுள்ளார்.

மக்களவைத் தேர்தல் நெருங்கும் வேளையில் காங்கிரஸ் கட்சியைச் சேர்ந்த மூத்த நிர்வாகிகள், விலகி பாஜகவில் சேர்வது சமீபகாலமாக அதிகரித்துள்ளது.