காங்கிரஸ் 2ம் கட்ட வேட்பாளர் பட்டியல்!

மக்களவைத் தேர்தலுக்கான காங்கிரஸ் கட்சியின் 2ஆம் கட்ட வேட்பாளர் பட்டியல் வெளியாகியுள்ளது.

ஏற்கெனவே 39 பேர் கொண்ட முதல்கட்ட வேட்பாளர் பட்டியல் வெளியிடப்பட்ட நிலையில், தற்போது இரண்டாம் கட்ட வேட்பாளர் பட்டியலை காங்கிரஸ் வெளியிட்டுள்ளது.

முன்னதாக தில்லி காங்கிரஸ் தலைமையகத்தில் வேட்பாளர்கள் இறுதி செய்வது குறித்து மத்திய குழு கூட்டம் நேற்று நடைபெற்றது.

அதனைத் தொடர்ந்து தில்லியில் இன்று காங்கிரஸ் பொதுச்செயலாளர் கே.சி. வேணுகோபால் 43 தொகுதிகளுக்கான வேட்பாளர் பட்டியலை வெளியிட்டார்.

43 தொகுதிகளுக்கான 2ஆம் கட்ட வேட்பாளர் பட்டியலில், பட்டியலினப் பிரிவில் 19 பேருக்கும், பழங்குடியினப் பிரிவில் 9 பேருக்கும், இதர பிற்படுத்தப்பட்டோர் பிரிவில் 13 பேருக்கும் வாய்ப்பு வழங்கப்பட்டுள்ளது. அஸ்ஸாம், மத்தியப் பிரதேசம், ராஜஸ்தான் மாநிலங்களில் 43 வேட்பாளர்கள் அறிவிக்கப்பட்டுள்ளனர்.

காங்கிரஸ் எம்.பி., கெளரவ் கோகோய் அஸ்ஸாம் மாநிலத்தின் ஜோர்ஹாட் தொகுதியிலும், நகுல் நாத் மத்தியப் பிரதேசத்தின் சிந்த்வாரா தொகுதியிலும், ராகுல் கஸ்வா ராஜஸ்தானின் சுரு தொகுதியிலும் போட்டியிடவுள்ளனர்.