துபை மேடம் டுசாட்ஸில் மெழுகு சிலை திறக்கப்பட்டதைத் தொடர்ந்து நடிகர் அல்லு அர்ஜுனுக்கு ஆஸ்திரேலிய கிரிக்கெட் வீரர் டேவிட் வார்னர் வாழ்த்து தெரிவித்துள்ளார்.
தெலுங்கு நடிகர் அல்லு அர்ஜுனின் மெழுகு சிலை துபையில் உள்ள மேடம் டுசாட்ஸ் ப்ளூவாட்டர்ஸில் நேற்று மாலை திறக்கப்பட்டது. ‘புஷ்பா’ படத்தின் அவருடைய தனித்துவ உடல்மொழியை பிரதிபலிக்கும் வகையில் இந்த சிலை வடிவமைக்கப்பட்டுள்ளது. அதில் அவர் சிவப்பு மற்றும் வெள்ளை நிற ஆடையை அணிந்துள்ளார்.
மேலும் அல்லு அர்ஜுனின் மெழுகு சிலையை உருவாக்க, கிட்டத்தட்ட 200 க்கும் மேற்பட்ட அளவீடுகள் எடுக்கப்பட்டதாக தகவல் வெளியாகி உள்ளது. இதன் மூலம் துபையில் உள்ள மேடம் டுசாட்ஸில் மெழுகு சிலை அமையப் பெற்ற முதல் தென்னிந்திய நடிகர் என்ற பெருமையை அல்லு அர்ஜுன் தனது வசம் பெற்றுள்ளார்.
இந்த நிலையில் மேடம் டுசாட்ஸில் மெழுகு சிலை திறக்கப்பட்டதைத் தொடர்ந்து நடிகர் அல்லு அர்ஜுனுக்கு ஆஸ்திரேலிய கிரிக்கெட் வீரர் டேவிட் வார்னர் வாழ்த்து தெரிவித்துள்ளார். அதில் அல்லு அர்ஜுன் சிலை அருகே நிற்கும் புகைப்படத்தை இன்ஸாவில் பகிர்ந்துள்ள வார்னர், "இந்த லெஜண்ட் அல்லு அர்ஜுன் எவ்வளவு நல்லவர். வாழ்த்துக்கள் புஷ்பா என்று குறிப்பிட்டுள்ளார்.