உ.பி.: சாலை விபத்தில் 4 மருத்துவா்கள் உயிரிழப்பு

உத்தரப் பிரதேச மாநிலம் லக்னெள - ஆக்ரா விரைவுச் சாலையில் புதன்கிழமை நிகழ்ந்த காா் விபத்தில் உத்தர பிரதேச மருத்துவ அறிவியல் பல்கலைக்கழகத்தைச் சோ்ந்த 4 மருத்துவா்கள், ஆய்வகப் பணியாளா் ஒருவா் என 5 போ் உயிரிழந்தனா்.

இதுகுறித்து காவல் கண்காணிப்பாளா் அமித் குமாா் ஆனந்த் கூறியதாவது: லக்னெளவில் நடைபெற்ற திருமண நிகழ்ச்சியில் பங்கேற்றுவிட்டு சைஃபை பகுதிக்கு காரில் திரும்பிக் கொண்டிருந்தபோது இந்த விபத்து நேரிட்டது. அதிவேகமாக பயணித்த காா், திடீரென ஓட்டுநரின் கட்டுப்பாட்டை இழந்து, சாலைத் தடுப்பின் மீது மோதியது. அப்போது, அவ்வழியாக வந்த ஒரு லாரியும் காரின் மீது மோதியது. இந்த விபத்தில் அனிருத் வா்மா, சந்தோஷ் குமாா் மௌரியா, அருள் குமாா் ஆகிய 4 மருத்துவா்களும், ராகேஷ் குமாா் என்ற ஆய்வகப் பணியாளரும் உயிரிழந்தனா். படுகாயம் அடைந்த மேலும் இருவா், டாக்டா் பீமாராவ் அம்பேத்கா் மருத்துவக் கல்லூரி மருத்துவமனையில் அனுமதிக்கப்பட்டுள்ளனா். விபத்து குறித்து விசாரணை நடைபெற்று வருகிறது என்றாா் அவா்.

பாஜக அரசு மீது அகிலேஷ் விமா்சனம்: சமாஜவாதி தலைவா் அகிலேஷ் யாதவ் வெளியிட்ட எக்ஸ் பதிவில், ‘சாலை விபத்தில் 5 போ் உயிரிழந்தது துரதிஷ்டவசமானது. மக்களைக் காக்கும் மருத்துவா்கள் உயிரிழந்தது மேலும் சோகத்தை ஏற்படுத்தியுள்ளது. அவா்களின் குடும்பங்களுக்கு எனது இரங்கலை தெரிவித்துக் கொள்கிறேன்.

சமாஜவாதி கட்சி ஆட்சியில் இருந்தபோது தொடங்கப்பட்ட விரைவுச் சாலையை பராமரிக்கும் ஆளும் பாஜக அரசின் நிா்வாகத் திறமை கேள்விக்குள்ளாகியுள்ளது. திடீரென அதிகரிக்கும் விபத்துகள் குறித்து அரசு ஆய்வு செய்து நடவடிக்கை எடுக்க வேண்டும்’ என்று வலியுறுத்தினாா்.