தெலுங்கு நடிகர் ராஜேந்திர பிரசாத்தின் மகள் காயத்ரி காலமானார்

தெலுங்கு நடிகர் ராஜேந்திர பிரசாத்தின் மகள் காயத்ரி இளம் வயதில் காலமான நிகழ்வு சோகத்தை ஏற்படுத்தியுள்ளது.

நெஞ்சுவலி காரணமாக நடிகர் ராஜேந்திர பிரசாத்தின் மகள் காயத்ரி(38) ஹைதராபாத்தில் உள்ள தனியார் மருத்துவமனையில் நேற்று அனுமதிக்கப்பட்டார்.

இந்த நிலையில் சிகிச்சை பலனின்றி அவர் உயிரிழந்தார். மறைந்த காயத்ரி காதல் திருமணம் செய்துகொண்டதால், அவரிடம் ராஜேந்திர பிரசாத் பேசாமல் இருந்து வந்துள்ளார்.

அதன் பின்னர் மனம் மாறி, சமீபத்தில் தான் காயத்ரியை ஏற்றுக்கொண்டதாக கூறப்படுகிறது. இளம் வயதில் ராஜேந்திர பிரசாத்தின் மகள் காலமான நிகழ்வு தெலுங்கு திரையுலகினரை சோகத்தில் ஆழ்த்தியுள்ளது.

மேலும் காயத்ரி மறைவிற்கு நானி, ஜூனியர் என்டிஆர், நவ்தீப் உள்ளிட்ட தெலுங்கு திரையுலகைச் சேர்ந்த பலர் இரங்கல் தெரிவித்துள்ளனர்.