ஜம்மு-காஷ்மீா் பேரவைத் தோ்தல்: ராகுல் இன்று பிரசாரம் தொடக்கம்

ஜம்மு-காஷ்மீரில் செப்டம்பா் 18-ஆம் தேதி முதல்கட்ட பேரவைத் தோ்தல் நடைபெறவுள்ள நிலையில் காங்கிரஸ் கட்சியின் தோ்தல் பிரசாரத்தை மக்களவை எதிா்க்கட்சித் தலைவா் ராகுல் காந்தி புதன்கிழமை (செப்.4) தொடங்கிவைத்து, இரு பொதுக்கூட்டங்களில் உரையாற்றவுள்ளாா்.

பத்து ஆண்டுகளுக்குப் பிறகு ஜம்மு-காஷ்மீரீல் மூன்று கட்டங்களாக பேரவைத் தோ்தல் நடைபெறவுள்ளது. இந்நிலையில், முதல்கட்ட தோ்தலுக்கான பரப்புரையை புதன்கிழமை ராகுல் காந்தி தொடங்கிவைக்கிறாா். அப்போது ராம்பன் மாவட்டத்தில் உள்ள பனிஹால் தொகுதியில் போட்டியிடும் ஜம்மு-காஷ்மீா் காங்கிரஸ் முன்னாள் தலைவா் விகா் ரசூல் வாணியை ஆதரித்து அவா் பிரசாரம் மேற்கொள்ளவுள்ளாா். அதன்பின் அனந்தநாக் மாவட்டத்தில் உள்ள தூரு தொகுதிக்குச் செல்லும் அவா் அங்கு போட்டியிடும் முன்னாள் அமைச்சா் குலாம் அகமது மிா்ருக்கு ஆதரவாக வாக்கு சேகரிக்கவுள்ளாா்.

பிரசாரத்தை முடித்துவிட்டு புதன்கிழமை மாலையே அவா் தில்லி திரும்பிவிடுவதாக அந்தக் கட்சியின் ஜம்மு-காஷ்மீா் பிராந்தியத் தலைவா் தாரிக் ஹமீத் காரா தெரிவித்தாா். ராகுல் காந்தியின் பிரசாரம் கட்சியினருக்கு உத்வேகம் அளிப்பதோடு, அதிக வாக்குகளைப் பெற்றுத்தரும் எனவும் அவா் நம்பிக்கை தெரிவித்தாா்.

மூன்றுகட்டங்களாக நடைபெறும் ஜம்மு-காஷ்மீா் பேரவைத் தோ்தலில் காங்கிரஸ் தேசியத் தலைவா் மல்லிகாா்ஜுன் காா்கே, பொதுச்செயலா் பிரியங்கா காந்தி உள்ளிட்ட 40 நட்சத்திர பேச்சாளா்கள் காங்கிரஸ் வேட்பாளா்களுக்கு ஆதரவாக தீவிர பிரசாரத்தில் ஈடுபடவுள்ளனா்.