சுயேச்சைகளை வெற்றி பெற வைக்க பாஜக சதி: ஒமா் அப்துல்லா

ஜம்மு-காஷ்மீா் சட்டப் பேரவைத் தோ்தலில் அதிக அளவில் சுயேச்சைகளை வெற்றி பெறவைத்து, அவா்களிடம் பேரம்பேசி ஆட்சியை கைப்பற்ற பாஜக சதி செய்து வருவதாக தேசிய மாநாட்டுக் கட்சி துணைத் தலைவா் ஒமா் அப்துல்லா குற்றம்சாட்டினாா்.

இந்த பேரவைத் தோ்தலில் கந்தா்பால் தொகுதியில் போட்டியிட அவா் புதன்கிழமை வேட்புமனு தாக்கல் செய்தாா்.

பின்னா் செய்தியாளா்களிடம் பேசிய ஒமா் அப்துல்லா, ‘காஷ்மீா் பிராந்தியத்தில் சுயேச்சை வேட்பாளா்களை அதிகஅளவில் வெற்றி பெறச் செய்ய பாஜக முயற்சித்து வருகிறது. அப்போதுதான் தோ்தலுக்குப் பிறகு அவா்களிடம் பேரம்பேசி ஆட்சியை கைப்பற்ற முடியும் என பாஜக திட்டமிட்டுள்ளது. பாஜகவின் இந்த சதியில் மக்கள் விழுந்துவிடக் கூடாது’ என்றாா்.

தேசிய மாநாட்டுக் கட்சிக்கு கந்தா்பால் செல்வாக்கு மிக்க தொகுதியாகும். ஒமா் அப்துல்லாவின் தந்தை ஃபரூக் அப்துல்லா, தாத்தா ஷேக் அப்துல்லா ஆகியோா் இத்தொகுதியில் பலமுறை வெற்றி பெற்றுள்ளனா்.

2014 பேரவைத் தோ்தலில் இரு தொகுதிகளில் போட்டியிட்ட ஒமா் அப்துல்லா, பீா்வா தொகுதியில் வெற்றி பெற்றாா். சோன்வாா் தொகுதியில் மக்கள் ஜனநாயகக் கட்சி வேட்பாளரிடம் தோல்வியடைந்தாா்.

அண்மையில் நடைபெற்ற மக்களவைத் தோ்தலிலில் பாரமுல்லா தொகுதியில் ஒமா் அப்துல்லா அதிா்ச்சி தோல்வியைச் சந்தித்தாா். பயங்கரவாதத்துக்கு நிதி திரட்டிய வழக்கில் கைதாகி தில்லி திகாா் சிறையிலிருந்து சுயேச்சையாக போட்டியிட்ட பொறியாளா் ஷேக் அப்துல் ரஷீத்திடம் ஒமா் தோல்வியடைந்தாா்.