மார்ச் 7, 8-ல் குஜராத் செல்கிறார் ராகுல் காந்தி!

காங்கிரஸ் எம்.பி.யும் மக்களவை எதிர்க்கட்சித் தலைவருமான ராகுல் காந்தி, வருகிற மார்ச் 7, 8 தேதிகளில் குஜராத் செல்கிறார்.

குஜராத் மாநிலத்திற்கு 2027 ஆம் ஆண்டு சட்டப்பேரவைத் தேர்தல் நடைபெற உள்ளது. இதையொட்டி காங்கிரஸ் கட்சி இப்போதிலிருந்தே தேர்தல் பணிகளைத் தொடங்கியுள்ளது.

எதிர்க்கட்சித் தலைவர் ராகுல் காந்தி வருகிற மார்ச் 7, 8 தேதிகளில் குஜராத் செல்கிறார். அங்கு அவர் மாநில மற்றும் மாவட்ட அளவிலான கட்சி நிர்வாகிகளைச் சந்தித்து அடுத்த பேரவைத் தேர்தலுக்கான ஏற்பாடுகள் குறித்து ஆலோசனை செய்கிறார்.

இதையும் படிக்க | குழந்தை குண்டாக இருக்கிறதா? எச்சரிக்கும் மருத்துவர்கள்!

தொடர்ந்து அடுத்த மாதம் ஏப்ரல் 8, 9 தேதிகளில் ஆமதாபாத்தில் அகில இந்திய காங்கிரஸ் கமிட்டிக் கூட்டம் நடைபெற உள்ளது. அதற்கான ஏற்பாடுகள் குறித்தும் ஆய்வு செய்வார் என்று கூறப்படுகிறது.

முன்னதாக காங்கிரஸ் கமிட்டிக் கூட்டத்திற்கான ஏற்பாடுகளை காங்கிரஸ் பொதுச் செயலாளர் கே.சி. வேணுகோபால் ஆய்வு செய்தார். மேலும் அவர் அங்குள்ள சர்தார் வல்லபாய் படேல் நினைவிடத்தை பார்வையிட்டு படேலுக்கு அஞ்சலி செலுத்தினார்.