நாட்டின் பிரதமராக ராகுல் விரும்பினால் ‘நாடக’ நாடாளுமன்றத்தில் இருக்க வேண்டும்: அமித் ஷா கிண்டல்

நாட்டின் பிரதமராக ராகுல் காந்தி விரும்பினால், ‘நாடக’ நாடாளுமன்றத்தில் வாழ்க்கை முழுவதும் அவா் இருக்க வேண்டும் என்று மத்திய உள்துறை அமைச்சா் அமித் ஷா கிண்டல் செய்துள்ளாா்.

சண்டிகரில் ஞாயிற்றுக்கிழமை நடைபெற்ற நிகழ்ச்சியில் ரூ.258 கோடி மதிப்புடைய வளா்ச்சித் திட்டங்களை தொடங்கி வைத்தும், அடிக்கல் நாட்டியும் அமித ஷா பேசியதாவது: 1984-ஆம் ஆண்டில் சீக்கியா்கள் படுகொலை செய்யப்பட்ட நாளன்று ராகுல் காந்தி கொண்டாட்டத்தில் ஈடுபட்டதை இந்த நாடு ஒருபோதும் மறக்காது. காங்கிரஸ் கட்சி தொடா்ந்து 15 ஆண்டுகளாகத் தோ்தல்களில் தோல்வியடைந்து வருகிறது.

அக்கட்சியின் மூத்தத் தலைவா் சோனியா காந்தி, தனது மகன் (ராகுல் காந்தி) பிரதமராக வேண்டும் என்ற கனவு காண்கிறாா். ஆனால் அவரின் கனவு நிறைவேறாமலேயே உள்ளது. எனவே அக்கட்சியினா் புதிய வழியை கண்டறிந்துள்ளனா். அதாவது, நாடக நாடாளுமன்ற கூட்டத்தை அவா்கள் நடத்தியுள்ளனா்.

நான் ராகுலுக்கு ஒன்று தெரிவிக்க விரும்புகிறேன். நாட்டின் பிரதமராக வேண்டும் என்று நீங்கள் விரும்பினால், நாடக நாடாளுமன்றத்துக்குள்ளேயே தொடா்ந்து இருங்கள். ஏனெனில் உங்களால் ஒருபோதும் நாட்டின் பிரதமராகவே முடியாது.

தில்லியில் இண்டி கூட்டணியால் வெல்ல முடியாது: தீபாவளிக்கு பிறகு பேரணியை வைக்கும்படி இண்டி கூட்டணி கட்சித் தலைவா்களிடம் தில்லி வியாபாரிகள் கெஞ்சியுள்ளனா். ஆனால் அக்கூட்டணி செவிமடுக்கவில்லை. தில்லியில் 3-4 நாள்களில் ரூ.25 ஆயிரம் கோடிக்கு வியாபாரம் நடைபெறும்.

ஒட்டுமொத்த வட இந்திய மக்களும், தீபாவளிக்கு பொருள்கள் வாங்க தில்லி ஒட்டுமொத்த சந்தைக்கு வருவாா்கள். இண்டி கூட்டணி பேரணியால் வியாபாரிகளுக்கு வா்த்தகம் பாதிக்கப்பட்டுள்ளது. எனவே அடுத்த 3 தோ்தல்களுக்கு உங்களால் அங்கு (தில்லி) வெற்றி பெறவே முடியாது.

1984 நவம்பா் 1-இல் தில்லியில் காங்கிரஸ் கட்சியால் தூண்டப்பட்ட சீக்கியா்களுக்கு எதிரான கலவரம் நடைபெற்றது. இதில் ஆயிரக்கணக்கான சீக்கியா்கள் எரித்து கொல்லப்பட்டனா். அதுகுறித்து கருத்து தெரிவித்த ராஜீவ் காந்தி, பெரிய மரங்கள் கீழே விழும்போது, பூமி அதிரத்தான் செய்யும் என்றாா். அந்த கருத்தை தொலைக்காட்சியில் பாா்த்தேன். அதை வாழ்நாள் முழுவதும் மறக்க மாட்டேன்.

வெளிநாட்டில் இருந்து உத்தரவு: நவம்பா் 1, 2, 3-ஆம் தேதிகளில் சீக்கியா்களுக்கு எதிரான கலவரம் நடைபெற்ற தினம் என்பதை சுட்டிக்காட்டி, அன்றைய தினத்தில் பேரணி நடத்த வேண்டாம் என இண்டி கூட்டணிக்கு பாஜக கோரிக்கை வைத்தது. ஆனால் இதை ஏற்கவில்லை. ராஜீவ் காந்தியின் மகன் ராகுல் காந்தி, தில்லியில் இன்று (ஞாயிறு) பெரிய கொண்டாட்டத்துக்கு ஏற்பாடு செய்துள்ளாா்.

1984-ஆம் ஆண்டு சீக்கியா்களுக்கு எதிரான கலவரத்தால் பாதிக்கப்பட்டோரின் காயங்களில் உப்புவதை தடவுவதைப் போல இதை அவா் செய்துள்ளாா். இன்றைய தினத்தில் கொண்டாட்டத்துக்கு ஏற்பாடு செய்யும்படி வெளிநாட்டில் இருந்து அக்கட்சிக்கு (காங்கிரஸ்) உத்தரவு வந்துள்ளது. இந்தியாவும், பஞ்சாப்பும் இதை மறக்காது.

மத்தியில் மோடி அரசு ஆட்சிக்கு வந்ததும்தான், சீக்கியா்களுக்கு எதிரான கலவரம் தொடா்பான வழக்குகளை மீண்டும் விசாரித்தது. பாதிக்கப்பட்டோருக்கு தலா ரூ.5 லட்சம் நிதியுதவியை வழங்கியது. கலவரத்தில் தொடா்புடைய முக்கிய காங்கிரஸ் தலைவா்கள் சிறைக்கு அனுப்பப்பட்டாா்கள்.

போதைப் பொருளுக்கு முற்றுப்புள்ளி: மத்தியில் ஆளும் பிரதமா் மோடி தலைமையிலான அரசு, நாட்டை புதிய உச்சத்துக்கு கொண்டு செல்கிறது. ஜம்மு-காஷ்மீருக்கு சிறப்பு அந்தஸ்து அளித்த 370-ஆவது பிரிவை ரத்து செய்தது. நக்ஸல் தீவிரவாதத்துக்கு முடிவு கட்டியது. முத்தலாக் முறை ஒழிக்கப்பட்டது. இதேபோல், 2029-ஆம் ஆண்டு டிசம்பா் 31-ஆம் தேதிக்குள் பஞ்சாப் உள்பட நாடு முழுவதும் போதைப் பொருளுக்கு முடிவு கட்டப்படும்.

பெண்களுக்கு 33 சதவீத இடஒதுக்கீடு கொடுக்கப்படுவதை ராகுல் காந்தி விரும்பவில்லை. அதனால்தான் நாடாளுமன்றத்தை செயல்பட விடாமல் தடுக்கிறாா். ஆனால் மோடி அவா்கள், இந்தியாவின் மகளிா் சக்திக்கு 33 சதவீத இடஒதுக்கீட்டை நிச்சயம் அளிப்பாா். இதற்கு நாங்கள் உறுதி எடுத்துள்ளோம்.

நாட்டை பாதுகாப்பாக மாற்றியது யாா்? நாட்டில் வளா்ச்சியை கொண்டு வந்தது யாா்? புதிய கண்டுபிடிப்புகளை கொண்டு வந்தது யாா்? புதிய கல்வி கொள்கையை கொண்டு வந்தது யாா்? பொருளாதார ரீதியில் நாட்டை அபிவிருத்தி அடைய செய்தது யாா்? இவை அனைத்தையும் நாட்டு மக்கள் கவனித்து கொண்டிருக்கிறாா்கள். 2029-ஆம் ஆண்டு தோ்தலில் இதற்கு பதிலடி கொடுக்கப்படும். எனது வாா்த்தைகளை ராகுல் காந்தி நினைவில் வைத்து கொள்ள வேண்டும் என்றாா்.