ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடி
ஐடிஐ மாணவர்களின் கடின உழைப்பு குறித்து பிரதமர் நரேந்திர மோடி பேசியது தொடர்பாக...

ஐடிஐ மாணவர்கள் - கோப்புப் படம்
ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கும் கிடைக்கும் என பிரதமர் நரேந்திர மோடி இன்று (நவ. 22) தெரிவித்தார்.
உத்தரப் பிரதேச மாநிலம் லக்னெளவில் தொழில்பிரிவு பயிற்சிப் பெற்ற மாணவர்களுக்கான 5 ஆம் ஆண்டு திறன் பட்டமளிப்பு விழா இன்று நடைபெற்றது. இதில், பிரதமர் நரேந்திர மோடி சிறப்பு விருந்தினராகக் கலந்துகொண்டு மாணவர்களுக்கு சான்றிதழ்களை வழங்கினார்.
நிகழ்ச்சியில் பிரதமர் மோடி பேசியதாவது:
''தொழில்பிரிவில் பயிற்சி பெற்று ஐடிஐ பட்டம் பெறும் மாணவர்களின் பெற்றோர் தங்கள் பிள்ளைகளை நினைத்து பெருமைப்படும் வகையிலான மாற்றம் விரைவில் நடக்கும். ஐஐடி மாணவர்களுக்கு கிடைக்கும் அங்கீகாரம் விரைவில் ஐடிஐ மாணவர்களுக்கும் கிடைக்கும்.
தொழில் பயிற்சி பெற்றவர்களின் திறன் மற்றும் கடின உழைப்பால் மட்டுமே தொழில் துறையில் ஆரோக்கியமான போட்டிகள் நடக்கின்றன.
இந்த மாணவர்களை கெளரவிப்பதிலும் அவர்களின் கடின உழைப்பை அங்கீகரிப்பதிலும் நான் பெருமை அடைகிறேன். விரைவில் அனைவரும் பெருமைகொள்வார்கள்'' எனக் குறிப்பிட்டார்.
Summary
ITI students will receive recognition on par with IIT students: Modi
தினமணி செய்திமடலைப் பெற... Newsletter
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.


