முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

காவலர்களை தாக்கியதாக ராகுல், பிரியங்கா மீது வழக்குப்பதிவு!

காவலர்களை தாக்கியதாக ராகுல், பிரியங்கா மீது வழக்குப்பதிவு செய்யப்பட்டிருப்பது பற்றி...

rahul gandhi

ராகுல் காந்தி - ANI

Updated On :

தில்லியில் புதன்கிழமை நடைபெற்ற போராட்டத்தின் போது காவலர்களை தாக்கியதாக மக்களவை எதிர்க்கட்சித் தலைவர் ராகுல் காந்தி, காங்கிரஸ் எம்.பி. பிரியங்கா காந்தி மீது தில்லி காவல்துறை வழக்குப்பதிவு செய்துள்ளது.

தலைமைத் தோ்தல் ஆணையா் ஞானேஷ் குமாா், மத்திய பாஜக அரசுக்கு ஆதரவாக செயல்படுவதாக குற்றஞ்சாட்டி, அவா் பதவி விலக வேண்டுமென காங்கிரஸ் உள்ளிட்ட எதிா்க்கட்சிகள் வலியுறுத்தி வருகின்றன. அவா் பதவி விலகக்கோரி, தில்லியில் கடந்த செவ்வாய்க்கிழமை போராட்டத்தில் ஈடுபட்ட ராகுல் காந்தி உள்ளிட்டோா் கைது செய்யப்பட்டு, பின்னா் விடுவிக்கப்பட்டனா்.

தொடர்ந்து, தில்லி ஜந்தா் மந்தரில் புதன்கிழமை போராட்டத்தில் ஈடுபட இந்தியா கூட்டணி எம்.பி.க்கள் பேருந்தில் சென்றனர். அந்த பேருந்துகளை காவல்துறையினா் நடுவழியில் தடுத்து நிறுத்தினா். இதைத் தொடா்ந்து, ஷாங்க்ரி-லா உணவகம் அருகே ராகுல் காந்தி, பிரியங்கா காந்தி உள்ளிட்டோா் சாலை மறியலில் ஈடுபட்டனா்.

பிரியங்கா காந்தியும், காங்கிரஸ் பெண் தலைவா்களும் அமா்ந்தும், படுத்தும் போராட்டம் நடத்தினா்.

முதலில் ராகுல் காந்தியை பாதுகாப்புப் படையினா் கைது செய்து, குண்டுக்கட்டாக தூக்கிச் சென்று காவல் துறை வாகனத்தில் ஏற்றினா். அப்போது அந்த வாகனத்தின் மேல் பகுதியில் சில காங்கிரஸ் தலைவா்கள் ஏறி அமா்ந்து கொண்டனா்.

தொடா்ந்து, பிரியங்கா காந்தி மற்றும் பிற பெண் தலைவா்களை பாதுகாப்புப் படையினா் அப்புறப்படுத்தி வாகனத்தில் ஏற்றி அழைத்துச் சென்றனா். பின்னர், கைது செய்யப்பட்டவர்களை நேற்றிரவே காவல்துறையினர் விடுவித்தனர்.

இந்த சம்பவத்தின்போது இந்தியா கூட்டணி எம்.பி.க்கள் மற்றும் தில்லி காவல்துறையினர் இடையே தள்ளுமுள்ளும் ஏற்பட்டது.

இந்த நிலையில், காவலர்களைத் தாக்கியதாகவும், அரசுப் பணியாளர்களை பணி செய்ய விடாமல் தடுத்ததாகவும் ராகுல் காந்தி மற்றும் பிரியங்கா காந்தி ஆகியோர் மீது தில்லி காவல்துறை முதல் தகவல் அறிக்கை (எஃப்.ஐ.ஆர்.) பதிவு செய்துள்ளது என்று பிடிஐ செய்தி நிறுவனம் தெரிவித்துள்ளது.

முன்னதாக, அகில இந்திய வானொலி நிலையத்துக்குள் செவ்வாய்க்கிழமை அனுமதியின்றி நுழைந்ததாக பிரியங்கா காந்தி ஆகியோர் மீது எஃப்.ஐ.ஆர். பதிவு செய்யப்பட்டது.

Summary

Case registered against Rahul and Priyanka for assaulting police personnel!

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.