கர்நாடகம் : ஓட்டு சதவீத அடிப்படையில் ஜனதா தளத்துக்கு எதிர்க்கட்சி அந்தஸ்து

கர்நாடகத்தில், மதசார்பற்ற ஜனதா தளக் கட்சி பெற்றுள்ள ஓட்டு சதவீதத்தின் அடிப்படையில், எதிர்க்கட்சி அந்தஸ்து கிடைத்துள்ளது.

நடந்து முடிந்த கர்நாடக சட்டப்பேரவையில் காங்கிரஸ் கட்சி 121 இடங்களில் வெற்றி பெற்றது. அடுத்து பாஜகவும், மதசார்பற்ற ஜனதா தளம் கட்சியும் தலா 40 தொகுதிகளில் வெற்றி பெற்று எதிர்க்கட்சிக் கட்சி அந்தஸ்தைப் பெற போட்டியிட்டன.

இந்த நிலையில், இரு கட்சிகளும் பெற்ற ஓட்டுக்கள் சதவீதத்தை அடிப்படையாக வைத்து மதசார்பற்ற ஜனதா தளம் எதிர்க்கட்சியாக தேர்வு செய்யப்பட்டது. இக்கட்சி 20.9 சதவீத ஓட்டுக்களும், பாஜக 19.97 சதவீத ஓட்டுக்களும் பெற்றிருந்தது குறிப்பிடத்தக்கது. இதனால், ஆளும் கட்சியாக இருந்த பாஜக எதிர்க்கட்சியாகக் கூட அமராமல், 3வது இடத்துக்குத் தள்ளப்பட்டது.