கிரிக்கெட் சூதாட்டம் : முன்னாள் ரஞ்சி விளையாட்டு வீரர் கைது

ஐபிஎல் கிரிக்கெட் போட்டியில் சூதாட்டத்தில் ஈடுபட்ட ரஞ்சி முன்னாள் விளையாட்டு வீரர் பாபுராவ் யாதவ் கைது செய்யப்பட்டுள்ளார்.

கிரிக்கெட் சூதாட்ட தரகர்களுக்கு, கிரிக்கெட் வீரர்களை அறிமுகம் செய்து வைத்த குற்றத்துக்காக இவர் கைது செய்யப்பட்டுள்ளதாக செய்திகள் தெரிவிக்கின்றன.

கடந்த 5 நாட்களுக்கு முன்பே தில்லி போலீசார் இவரை தில்லிக்கு அழைத்து விசாரணை நடத்தியுள்ளனர். விசாரணையின் முடிவில், அவர் நேற்று மாலை கைது செய்யப்பட்டுள்ளார்.