நெல்லையில் ஆயுதங்களுடன் உலா வந்த சொகுசு கார் பறிமுதல்

பாளையங்கோட்டையில் போலீஸார் வாகனச் சோதனையில் ஈடுபட்டபோது, போலியான நம்பர் பிளைட், அரிவாள் போன்ற ஆயுதங்களுடன் உலா வந்த சொகுசு காரை போலீஸார் பறிமுதல் செய்தனர்.

திருநெல்வேலி மாவட்டம், அம்பாசமுத்திரத்தில் ஓய்வுபெற்ற அரசு டாக்டர் அருள், அவரது மனைவி ஜான்சிராணி ஆகியோர் மர்மமான முறையில் கொலை செய்யப்பட்டு கிடந்தனர். பாளையங்கோட்டை, பெருமாள்புரம் பகுதியில் இரவு நேரங்களில் பூட்டி இருக்கும் வீடுகளை உடைத்து நகை, பணம் திருட்டு போன்ற பல்வேறு குற்றங்கள் நிகழ்ந்து வருகிறது.

இதை தொடர்ந்து போலீஸார் தீவிர கண்காணிப்பில் ஈடுபட்டு வருகின்றனர். இதனிடையே திங்கள்கிழமை இரவு பாளையங்கோட்டையில் போலீஸார் வாகனச் சோதனையில் ஈடுபட்டனர். அப்போது சந்தேகத்தின்பேரில் இனோவா சொகுசு காரை நிறுத்தி சோதனை மேற்கொண்டனர்.காரில் போலியான எண்களுடன் 50 நம்பர் பிளைட்டுகள், அரிவாள், கடற்பாறை, கத்தி போன்ற ஆயுதங்கள் இருந்தது கண்டுபிடிக்கப்பட்டது. காரில் வந்த மர்ம நபர்கள் 4 பேர் காரை விட்டு விட்டு தப்பி ஓடிவிட்டனர். போலீஸார் காரை பறிமுதல் செய்து விசாரித்து வருகின்றனர்.