தென் மாவட்ட யோகா போட்டி: வி.பி.எம்.எம். பள்ளி அதிக புள்ளிகள் எடுத்து வெற்றி

தென் மாவட்ட பள்ளிகளுக்கிடையே நடைபெற்ற யோகாசனப் போட்டியில் கிருஷ்ணன்கோவில், வி.பி.எம்.எம். மெட்ரிக்குலேஷன் மேல்நிலைப் பள்ளி மாணவ மாணவியர் அதிக புள்ளிகள் பெற்று வெற்றி பெற்றனர்.

தமிழ்நாடு மாநில யோகா விளையாட்டு மேம்பாட்டு சங்கம் மற்றும் திருநெல்வேலி ஜென் யோகா வித்யாலயா ஆகியவை இணைந்து இந்த போட்டியை பாளையங்கோட்டையில் நடத்தியது.போட்டியில் தூத்துக்குடி, மதுரை, விருதுநகர், திருநெல்வேலி, கன்னியாகுமரி மாவட்டங்களில் இருந்து சுமார் 600 பள்ளி மாணவ மாணவியர் போட்டியில் கலந்து கொண்டனர்.போட்டியின் முடிவில் கிருஷ்ணன்கோவில், வி.பி.எம்.எம். மெட்ரிக்குலேஷன் மேல்நிலைப் பள்ளி மாணவ மாணவியர் 8 பேர் முதலிடத்தையும், 2 பேர் இரண்டாவது இடத்தையும், 2 பேர் மூன்றாவது இடத்தையும் பெற்றனர்.வெற்றி பெற்ற மாணவ மாணவியருக்கு தமிழ்நாடு மாநில யோகா, விளையாட்டு மேம்பாட்டு சங்கத்தின் பொதுச் செயலாளர் மாரியப்பன் பரிசுகளை வழங்கினார்.

வெற்றி பெற்ற மாணவ மாணவியரையும், அவர்களுக்குப் பயிற்சி அளித்த யோகா பயிற்சியாளர் சுந்தரையும், வி.பி.எம்.எம். கல்வி நிறுவனங்களின் தலைவர் டாக்டர் வி.பி.எம்.சங்கர், துணைத் தலைவர் வி.பி.எம்.எஸ்.தங்கபிரபு, தாளாளர் பழனிச்செல்வி, துணைத் தாளாளர் துர்கா மீனலோஷினி, முதல்வர் மற்றும் ஆசிரியர்கள் பாராட்டினர்.