ஆம்பூரில் பெண்ணிடம் இருந்து கடத்தல் சந்தனக் கட்டைகள் பறிமுதல்: 5 பேர் தப்பி ஓட்டம்

வேலூர் மாவட்டம் ஆம்பூரில் வனப்பகுதிக்குள் யானையை விரட்டுவதற்காக வனத்துறையினர் சென்றனர். அப்போது, வனத்துறையினரைக் கண்டு அந்தப் பகுதியில் சந்தனக் கட்டை கடத்திச் சென்ற ஆண்கள் 5 பேர் தப்பி ஓடினர். அந்தக் குழுவில் இருந்த ஒரு பெண்ணைப் பிடித்து வனத்துறையினர் விசாரணை நடத்தினர். அவரிடம் இருந்து 10 கிலோ சந்தனக் கட்டை பறிமுதல் செய்யப்பட்டது.