புதுப்பட சி.டி.க்கள் விற்ற 4 பேர் கைது

காஞ்சிபுரத்தில் புதுப்பட சி.டி.க்கள் விற்பனை செய்ததாக 4 பேரை போலீஸார் கைது செய்தனர்.

காஞ்சிபுரத்தில் புதுப்பட சி.டிக்கள் அதிக அளவில் விற்பனை செய்யப்படுவதாக போலீஸாருக்கு தகவல் கிடைத்தது. இதைத் தொடர்ந்து காஞ்சிபுரம் சாலை தெருவில் உள்ள டி.வி.டி. கடைகளில் சிவகாஞ்சி போலீஸார் ஞாயிற்றுக்கிழமை சோதனை நடத்தினர். அங்கு குட்டிப்புலி, நாகராஜ சோழன், நேரம், உதயம், நாயக் உள்ளிட்ட புதுப்பட சி.டி.க்கள் இருப்பது தெரியவநத்து. இதைத் தொடர்ந்து அப்பட சி.டி.க்களை பறிமுதல் செய்ய போலீஸார், காஞ்சிபுரத்தை அடுத்த திருபருத்திக்குன்றம் புருஷோத்தமன் (22), பொன்னேரிக்கரையைச் சேர்ந்த கார்த்தி (26), மேதாஜ் (33), பிள்ளையார்பாளையத்தைச் சேர்ந்த மணி (58) ஆகியோரை போலீஸார் கைது செய்தனர்.