சிதம்பரம் மாணவி வசுமித்ரா மாநில அளவில் மூன்றாமிடம்

சிதம்பரம் நிர்மலா மெட்ரிக் மேல்நிலைப்பள்ளி மாணவி எல்.வி.வசுமித்ரா 496 மதிப்பெண்கள் பெற்று மாநில அளவில் மூன்றாமிடம் பெற்றுள்ளார்.

மாணவி எல்.வி.வசுமித்ரா பெற்றுள்ள மதிப்பெண்கள் விபரம்: தமிழ்- 97, ஆங்கிலம்-99, கணிதம்-100, அறிவியல்-100, சமூகஅறிவியல்-100. மொத்த மதிப்பெண்கள்- 496. சிதம்பரம் அருகே உள்ள அம்மாபேட்டை மருதமுத்து நகரில் வசிக்கும் மாணவி வசுமித்ராவின் தந்தை எல்.சரவணன் அண்ணாமலைப் பல்கலைக்கழக தொலைதூரக்கல்வி இயக்கக கண்காணிப்பாளராக பணியாற்றுகிறார். தாயார்  ஆர்.புனிதா நி்ர்மலா மெட்ரிக் மேல்நிலைப்பள்ளி ஆசிரியையாக உள்ளார். இவரகளது மகள் எல்.வி.வசுமித்ரா, மகன் தீபக்ராஜ் 2-ம் வகுப்பு படிக்கிறார். மாநில அளவில் மூன்றாமிடம் பெற்று சாதனை படைத்த மாணவி எல்.வி.வசுமித்ராவிற்கு, பள்ளி முதல்வர் மேரி இனிப்பு வழங்கி பாராட்டினார்.