ஸ்ரீரங்கம் ரெங்கநாதருக்கு ஸ்ரீஆண்டாள சூடிக்களைந்த வஸ்திரம் அனுப்பும் விழா

ஸ்ரீரங்கம், ஸ்ரீரெங்கநாதர் பிறந்தநாளில் சூடுவதற்காக, ஸ்ரீஆண்டாள் சூடிக்களைந்த வஸ்திரம் உள்ளிடவை அனுப்பும் நிகழ்ச்சி வெள்ளிக்கிழமை ஸ்ரீ்ஆண்டாள் கோயிலில் நடைபெற்றது.

ஸ்ரீரங்கம், ஸ்ரீரெங்கநாதர் சித்திரை ரேவதி பிறந்தநாளை முன்னிட்டு தேரோட்டம் நடைபெறும் 9-ம் திருநாளில் ஸ்ரீஆண்டாள் சூடிக்களைந்த பட்டு வஸ்திரம், புடவை, கிளி உள்ளிட்வை ரெங்கநாதருக்கு சாற்றப்படுவது ஐதீகம்.இதற்காக ஸ்ரீஆண்டாளுக்கு பட்டு வஸ்திரம், புடவை, கிளி உள்ளிட்டவை வெள்ளிக்கிழமை சாற்றப்பட்டு ஸ்தானிகம் ரமேஷ் (எ) ரெங்கராஜன் சிறப்பு பூஜைகள் நடத்தினர். பின்னர் இவை மாட வீதிகளின் வழியே வீதி உலா எடுத்து வரப்பட்டது. இவற்றை தனி வாகனத்தில் கோயில் ஸ்தானிகம் ரமேஷ் (எ) ரெங்கராஜன் ஸ்ரீரெங்கம் எடுத்துச் சென்றார். இவை ஸ்ரீரங்கம் கோயிலில் 8-ம் திருநாளான சனிக்கிழமை காலை ஒப்படைக்கப்படும். பின்னர் ஞாயிற்றுக்கிழமை 9-ம் திருநாளில் தேரில் எழுந்தருளும் ரெங்கநாதருக்கு இவை சாற்றப்படும்.

நிகழ்ச்சியில் கோயில் தக்கார் கி.ரவிச்சந்திரன், செயல் அலுவலர் சா.ராமராஜா உள்ளிட்ட பலர் கலந்து கொண்டனர்.