வீட்டிலிருந்த 12 பவுன் கைகளைக் காணவில்லை என புகார்

ஸ்ரீவில்லிபுத்தூரில் வீட்டிலிருந்த 12 பவுன் நகைகளைக் காணவில்லை என போலீஸில் புகார் செய்யப்பட்டுள்ளது.

ஸ்ரீவில்லிபுத்தூர், ராமகிருஷ்ணாபுரம் 1-வது தெருவைச் சேர்ந்தவர் முனியாண்டி மகன் செல்லப்பாண்டியன் (38). இவர் வங்கியில் அடமானத்திலிருந்த 5 பவுன் மற்றும் 2 பவுன் செயினை 8.4.14-ம் தேதி திருப்பி வந்து பீரோவில் வைத்தாராம்.

மேலும் இதனுடன் மனைவியின் அக்கா கலைமதியின் 5 பவுன் செயினும் பீரோவில் இருந்ததாம். நகைகள் இருந்த பீரோவை 5.7.14-ம் தேதி திறந்து பார்த்தபோது காணவில்லையாம். இது குறித்து பல இடங்களில் விசாரித்து, தேடிப் பார்த்த செல்லப்பாண்டியன், நகைகள் கிடைக்காததால் ஸ்ரீவில்லிபுத்தூர் நகர் காவல் நிலையத்தில் புகார் செய்தார். போலீஸார் வழக்குப் பதிவு செய்து விசாரித்து வருகிறார்கள்.