நெல்லையில் சுகாதார கேடாக இயங்கிய மாணவியர் விடுதிக்கு சீல்: கோட்டாட்சியர் அதிரடி நடவடிக்கை

பாளையங்கோட்டையில் சுகாதார கேடாக இயங்கி வந்தமாணவியர் விடுதியை திருநெல்வேலி கோட்டாட்சியர் பூட்டி சீல் வைத்த சம்பவம் பரபரப்பை ஏற்படுத்தியுள்ளது.

பாளையங்கோட்டை மகராஜாநகரில் மகளிருக்கான தனியார் தங்கும் விடுதி இயங்கி வந்தது. இந்த விடுதியில் வேலைக்குச் செல்லும் பெண்கள், கல்வி நிலையங்களுக்கு செல்லும் மாணவிகள் தங்கும் வகையில் வசதிகள்செய்யப்பட்டுள்ளன. இந்த நிலையில், திருநெல்வேலி அரசு மருத்துவக் கல்லூரி மருத்துவமனைக்கு பயிற்சிக்காக வந்திருந்த செவிலிய பயிற்சி மாணவிகள் 35பேர் இந்த விடுதியில் தங்கினர். இவர்கள், விடுதியில் தங்கியிருந்த நாள் முதலே விடுதியின் அனைத்து செயல்பாடுகளுமே மோசமாக இருந்து வந்ததாம்.

சுகாதாரமின்றி உணவு தயாரித்தல், குப்பைகளை அப்புறப்படுத்தாமல் தேக்கிவைத்திருத்தல், பிளாஸ்டிக் கழிவுகள் குவியல், குவியலாக இருப்பதை கண்டு மாணவிகள் முகம் சுளித்தனர். தூய்மை மற்றும் பராமரிப்பு பணிகளிலும்மந்தநிலையே இருந்து வந்துள்ளது. இதனால் சுகாதார சீர்கேட்டுடன் வசிக்க வேண்டியிருப்பதாக மாவட்ட சமூக நல அலுவலருக்கும், மாவட்ட ஆட்சியருக்கும்மாணவிகள் தரப்பில் புகார் அனுப்பப்பட்டது. இது குறித்து விசாரணை நடத்தி உரிய நடவடிக்கை எடுக்குமாறு திருநெல்வேலி கோட்டாட்சியருக்கு ஆட்சியர்மு.கருணாகரன் உத்தரவிட்டார். இதையடுத்து கோட்டாட்சியர் பெர்மி வித்யா தலைமையில் வருவாய்த்துறையினர் சனிக்கிழமை இந்த விடுதியில் அதிரடிசோதனையில் ஈடுபட்டனர். அப்போது, விடுதியில் தனியாக காப்பளரோ, இரவுக் காவலாளியோ இல்லை என்பது தெரியவந்தது. மேலும், கழிப்பறைகள் மற்றும் இதரபகுதிகள் சுகதாரா சீர்கேடாக இருப்பதும் தெரியவந்தது. உணவுத் தயாரிப்பிலும் சுத்தமாக இருக்கவில்லை. இதற்காக தரச் சான்றும் பெறவில்லைஎன்பது தெரியவந்தது. இதையடுத்து, விடுதியில் இருந்த மாணவிகள் அனைவரையும்வெளியேற்றி பாளையங்கோட்டையில் உள்ள தனியார் கல்வி நிறுவன விடுதியில்பாதுகாப்பாக தங்க வைக்கப்பட்டனர். விடுதியை பூட்டி சீல் வைக்கப்பட்டது.

இது தொடர்பாக, கோட்டாட்சியர் பெர்மி வித்யா கூறுகையில், விடுதி தொடர்பாகமாணவிகள் மாவட்ட ஆட்சியருக்கு அளித்த புகாரின் அடிப்படையில் ஆய்வு செய்யப்பட்டது. சுகாதார சீர்கேடு இருப்பதும், உரிய சான்றிதழ் பெறாமலிருப்பதும் தெரியவந்தது. இதையடுத்து விடுதி மூடப்பட்டுள்ளது.தொடர்ந்து மேல் நடவடிக்கை எடுக்கப்படும் என்றார் அவர்.