கொதிக்கும் பால் கொட்டியதால் சிறுமி பரிதாப பலி

தேனீர்க்கடையில் கொதிக்கவைத்திருந்த பால் பாத்திரம் நிலை தடுமாறி கொட்டியதால் பலத்த காயமடைந்த சிறுமி தஞ்சை மருத்துவமனையில் திங்கள்கிழமை உயிரிழந்தார். 

புதுக்கோட்டை  மாவட்டம் ஆர்.புதுப்பட்டினம் கிராமத்தைச் சேர்ந்த மீனவர்  செந்தில்குமாரின் மகள்  சீதாலெட்சுமி(11).  அங்குள்ள அரசுப் பள்ளியில் 7 -ம் வகுப்பு படித்துவந்த இவர் சனிக்கிழமை தேனீர்  வாங்குவதற்காக அந்த ஊரில் இருந்த  கடைக்கு சென்றுள்ளார். 

அப்போது,  கடையில் உள்ள  அடுப்பில் கொதித்துக் கொண்டிருந்த பால் பாத்திரம் எதிர்பாராத விதமாக  நிலை தடுமாறி அருகே நின்றிருந்த சிறுமி சீதாலெட்சுமி மீது கொட்டிடயது.  இதனால் படுகாயம் அடைந்த சிறுமிதஞ்சை  அரசு மருத்துவக் கல்லூரி மருத்துவமனையில் அனுமதிக்கப்பட்டிருந்த நிலையில் அங்கு பலனின்றி  திங்கல்கிழமை உயிரிழந்தார். இது குறித்து கோட்டைப்பட்டினம் போலீஸார் விசாரிக்கின்றனர்.