மும்பை ரயில் குண்டுவெடிப்பு வழக்கில் 12 குற்றவாளிகளுக்கு இன்று தண்டனை அறிவிப்பு

மும்பையில் கடந்த 2006 ஜூலை 11ம் தேதி, 8 நிமிட இடைவெளியில், 7 மின்சார ரயில்களில் பயங்கரவாதிகள் நடத்திய குண்டுவெடிப்பு தாக்குதலில் 189 பேர் பலியாயினர்.

829 பேர் படுகாயமடைந்தனர். இக்குண்டுவெடிப்பு சம்பவத்தில் தொடர்புடைய ‛சிமி' இயக்கத்தை சேர்ந்த 13 பயங்கரவாதிகள் கைது செய்யப்பட்டனர். 9 வருடங்கள் நடந்த இவ்வழக்கு விசாரணையின் முடிவில் 12 பேர் குற்றவாளிகள் என மும்பை சிறப்பு நீதிமன்றம் கடந்த வாரம் தீர்ப்பளித்தது. ஒருவர் விடுதலை செய்யப்பட்டார்.

இந்நிலையில் குற்றாளிகள் 12 பேருக்கான தண்டனை விவரங்கள் இன்று(செப்.,14) அறிவிக்கப்படவுள்ளது. இதனால் மும்பை முழுவதும் பாதுகாப்பு பலப்படுத்தப்பட்டுள்ளது