தொலைக்காட்சி விவாத நிகழ்ச்சியில் பங்கேற்றவர்களிடையே மோதல்: வீடியோ இணைப்பு

தொலைக்காட்சி விவாத நிகழ்ச்சியில் திடீரென பங்கேற்பாளர்களுக்கு இடையில் நேற்று கைகலப்பு ஏற்பட்டது.இதன் வீடியோ காட்சி இணையதளங்களில் வெளியாகை இப்போது பரபரப்பை ஏற்படுத்தியுள்ளது.

ஐபிஎன்7 என்ற இந்தி தொலைக்காட்சியில் நேற்றிரவு சர்ச்சைக்குரிய பெண் சாமியார் ராதே மா குறித்து நேரலையாக விவாதம் நடைபெற்றுக் கொண்டிருந்தது. அப்போது அந்நிகழ்ச்சியில்  பங்கேற்ற ஓம் ஜி என்ற சாமியார், மற்றொரு பங்கேற்பாளரான ஜோதிடர் ராக்கி பாய் என்ற பெண்ணிடம் கடுமையான வாதத்தில் ஈடுபட்டுக்கொண்டிருந்தார்.

இந்நிலையில் திடீர் என  ராக்கி பாய் பேசிக்கொண்டிருந்த போதே, மற்றொரு பங்கேற்பாளரான தீபா சர்மா என்ற பெண்ணை குறிப்பிட்டு பேசிய ஓம் ஜி , அவரது வாழ்க்கை குறித்தும், அவர் மீதான குற்ற வழக்குகள் குறித்தும் விமர்சித்தார்.இதை பொறுமையாக கேட்டுக்கொண்டிருந்த தீபா சர்மா, திடிரென ஓம் ஜி அருகே சென்று அடிக்க தொடங்கினார்.

இதையடுத்து  இருவரும் ஒருவரையொருவர் கடுமையாக தாக்கிக்கொண்டனர். இந்த காட்சி பார்வையாளர்கள் மத்தியில் அதிர்ச்சியை ஏற்படுத்தியுள்ளது. பங்கேற்பாளர்களின் நடத்தையை தாங்கள் எதிர்பார்க்கவில்லை என்றும், அவர்களின் செயலுக்கு கண்டனம் தெரிவித்துக்கொள்வதாகவும், ஐபிஎன்7 தொலைக்காட்சி கூறியுள்ளது.

</p>